MISSHA Chogongjin Sosaeng Jin Mask Set

MISSHA Chogongjin Sosaeng Jin Mask është një maskë fytyre me mikrofibre, pjesë e linjës Chogongjin Sosaeng, e cila është e njohur për efektin dhe benefitet e shumta që i jep lëkurës, si: hidratim intensiv, rigjenerim, rritje të elasticitetit, lëmim të rrudhave, dhe dhënien e një shkëlqimi natyral e rinor. Gjithashtu, kjo maskë falë teknologjisë së patentuar të bio-fermentimit dhe përbërësit kryesor Gongjin™, i kombinuar me Ekstraktin e Kërpudhës Sanghwang (Phellinus Linteus) dhe Ginsengun e Kuq Korean, e mundëson depërtimin e thellë të përbërësve në mënyrë tepër efektive në të gjitha shtresat e lëkurës duke ndihmuar kështu edhe në qetësimin e lëkurës së dëmtuar nga nxehtësia dhe stresi i përditshëm, duke i rikthyer asaj vitalitetin e munguar prej kohësh. Ndërsa formulimi me Niacinamide dhe Adenosinë mundëson butësisht njëtrajtësimin e tonit të fytyrës dhe lëmimin e rrudhave të imëta, duke forcuar barrierën mbrojtëse. Kjo maskë përshtatet me lëkurën e thatë dhe atë që ka humbur elasticitetin!

Formula e saj është hipoalergjike, e testuar dermatologjikisht dhe nuk përmban përbërës të dëmshëm , si: alkool, paraben, silikon, sulfate, vajra artificial.

*40g x 10 copë

Pasi të keni pastruar lëkurën nga çdo papastërti me larësin e rutinës suaj dhe të keni aplikuar tonerin dhe/apo serumin, vendosni me kujdes maskën dhe prisni 15-20 min. Duhet të keni kujdes, të mos e lini në fytyrë derisa të thahet. Pasi ta hiqni nga fytyra, masazhoni esencën e mbetur në lëkurë butësisht që të përthithet sa më mirë. Vazhdoni me hapat e tjerë të rutinës suaj.

Përbërësit "magjik"

Ekstrakt i Kërpudhës Sanghwang (Phellinus Linteus),  Ginsengun e Kuq Korean, niacinamide, adenosinë

Lista e plotë e përbërësve

Për shumë femra, prezantimi i parë me K-Beauty ka qenë dhe mbetet marka e famshme koreane MISSHA. Kjo falë produkteve të linjës BB cream apo kremit mbrojtës ndaj rrezeve të diellit All Around Safe Block Aqua Sun Gel. MISSHA hodhi hapin e parë në treg në vitin 2001 duke ofruar një alternativë të re për konsumatorët. Ajo krijoi produkte me një cilësi shumë të lartë, por me çmime të përballueshme, ndryshe nga markat e tjera të asaj kohe që kishin dominuar tregun me çmimet e tyre marramendëse. Ndër vite, MISSHA fitoi zemrat e miliona ndjekësve falë produkteve me përbërje efektive që përmbushin dëshirën dhe nevojën e konsumatorit për një lëkurë të shëndetshme e plot gjallëri. Nëse markat e tjera premtojnë “rezultate të menjëhershme”, MISSHA ka një qasje tjetër duke promovuar një përmirësim gradual të problematikave të lëkurës.