AISIA DS-3 për Skalpin dhe Flokët - KORAL SECRETS Flagstore Tirana
AISIA DS-3 për Skalpin dhe Flokët - KORAL SECRETS Flagstore Tirana
AISIA DS-3 për Skalpin dhe Flokët - KORAL SECRETS Flagstore Tirana

AISIA DS-3 për Skalpin dhe Flokët - KORAL SECRETS Flagstore Tirana

0.00 ALL

3D Full Facial Skin Analyzer - KORAL SECRETS Avenue Store Tirana
3D Full Facial Skin Analyzer - KORAL SECRETS Avenue Store Tirana
3D Full Facial Skin Analyzer - KORAL SECRETS Avenue Store Tirana

3D Full Facial Skin Analyzer - KORAL SECRETS Avenue Store Tirana

0.00 ALL

Related blog posts

Tri Hapat e Panegociueshëm të Kujdesit të Lëkurës

by Yvana Zike on Oct 14, 2025
Tri Hapat e Panegociueshëm të Kujdesit të Lëkurës: Pse Pastrimi, Hidratimi dhe SPF janë Më Thelbësor se Çdo Serum Në botën e kujdesit të lëkurës, ku serumet "magjike" dhe "aktive" të fundit shfaqen çdo javë, është e lehtë të ndihesh i humbur. Ne bombardohemi me reklama për Retinoidë, Vitaminë C, Peptidë dhe Acide, duke na bërë të besojmë se sekreti i lëkurës perfekte fshihet në shishen më të shtrenjtë. Megjithatë, pyetni çdo dermatolog të certifikuar, dhe ata do t'ju thonë të njëjtën gjë: Shëndeti i lëkurës nuk varet nga komplekset me dhjetëra hapa. Ai bazohet në Dermatologjinë Shkencore, e cila përqendrohet në tre veprime kyçe, të pandryshueshme: Pastrimi, Hidratimi dhe Mbrojtja (SPF). Këto tre hapa formojnë "Trininë Esenciale" të kujdesit të lëkurës. Pa një themel të fortë, asnjë trajtim i avancuar nuk do të funksionojë. Le të shohim pse. 1. Pastrimi (Cleansing): Hapi i Çlirimit nga Papastërtitë Pastrimi shpesh nënvlerësohet, por ai është hapi i parë kritik që përcakton efikasitetin e gjithë rutinës tuaj. Qëllimi nuk është thjesht të heqësh makeup-in, por të çlirosh lëkurën nga ndotja, qelizat e vdekura, dhe sebumi i tepërt që grumbullohet gjatë ditës. Pse Pastrimi është Më Thelbësor se Serumi: 1. Përgatit Lëkurën për Përthithje: Nëse lëkura juaj është e mbuluar me ndotje dhe vaj, çdo serum i shtrenjtë që aplikoni do të qëndrojë në sipërfaqe. Pastrimi i duhur siguron që përbërësit aktivë të Hidratantit ose Serumeve (nëse i përdorni) të mund të depërtojnë aty ku duhet: në shtresat e gjalla të epidermës. 2. Parandalon Bllokimin e Poreve: Grumbullimi i papastërtive çon në pore të bllokuara, akne dhe pamje të zbehtë të lëkurës. Pastrimi i rregullt i mbrëmjes, veçanërisht, është i panegociueshëm, pasi largon radikalet e lira nga ndotja që shkaktojnë plakje oksidative. 3. Kujdes: Zgjidhni një pastrues të butë, pa sulfat, që nuk i heq vajrat thelbësorë nga lëkura. Një ndjesi "lëkurë e thatë dhe e tërhequr" pas larjes tregon që keni dëmtuar barrierën mbrojtëse.                 2. Hidratimi (Moisturizing): Mbështetja e Barrierës Lëkura jonë ka një barrierë mbrojtëse (e ngjashme me një mur me tulla, ku tullat janë qelizat e lëkurës dhe llaçi janë yndyrat/lipidet). Ky "mur" bllokon irrituesit e jashtëm (si bakteret dhe ndotja) dhe pengon humbjen e ujit nga brenda (Humbja Trans-Epidermale e Ujit - TEWL). Pse Hidratimi është Më Thelbësor se Serumi: 1. Mbron Shëndetin e Përgjithshëm: Një barrierë lëkure e dëmtuar çon në skuqje, irritim, dehidratim kronik, dhe rrit ndjeshmërinë ndaj çdo produkti (përfshirë serumet). Hidratanti vepron si "llaçi" plotësues, duke mbrojtur këtë mur. 2. Ruan Ujin (Jo Vajin): Hidratantët përmbajnë tre lloje kryesore përbërësish: -Humektantë (si Acidi Hialuronik, Glicerina) që tërheqin ujin në lëkurë. - Emolientë (si Vajrat, gjalpë shea) që zbutin lëkurën. - Okluzivë (si petrolatum, lanolinë, dimetikon) që krijojnë një shtresë për të mbajtur hidratimin brenda. Tip: Trajtimet si retinoidi dhe acidet tolerohen më lehtë kur ke një hidratuese me ceramide.   3. Mbrojtja (SPF): Investimi Më i Vlefshëm Filtri diellor (SPF) është hapi i vetëm më i rëndësishëm në parandalimin e plakjes dhe dëmtimit të lëkurës. Kjo është shkenca e vërtetë, e mbështetur nga dekada kërkimesh. Pse SPF është Më Thelbësor se Çdo Përbërës Anti-Plakje: 1. Burimi #1 i Plakjes: Rrezatimi UV (Ultravjollcë) nga dielli është shkaku numër një i plakjes së parakohshme (foto-plakjes). Rrezet UVA (A për Aging - plakje) shkatërrojnë kolagjenin dhe elastinën, duke çuar në rrudha dhe humbje të elasticitetit. Rrezet UVB (B për Burning - djegie) shkaktojnë djegie dhe janë shkaku kryesor i kancerit të lëkurës. 2. Parandalimi Anulon Korrigjimin: Përdorimi i një serumi të shtrenjtë anti-plakje gjatë natës, ndërkohë që nuk përdorni SPF gjatë ditës, është si të lani dyshemenë me pastruesin më të mirë dhe më pas të hidhni baltë direkt mbi të. Mbrojtja nga dielli eliminon nevojën për trajtime të kushtueshme riparuese dhe shpëton kolagjenin tuaj. 3. Çdo Ditë, Gjithë Viti: Rrezet UVA depërtojnë në dritare dhe re. Për mbrojtje maksimale rekomandohet SPF 50+, ndërsa minimumi i panegociueshëm është SPF 30+ me spektër të gjerë (broad-spectrum).   Përfundimi: Lidhja e Bazës me Rutinat e Zgjeruara Serumet dhe Trajtimet Aktive janë si suplementet në dietë: Ato janë të mira për t'u shtuar pasi keni konsumuar bazën (ushqimin e shëndetshëm). Ato synojnë çështje specifike (si hiperpigmentimi, rrudhat e thella, etj.), por janë krejtësisht të kota nëse lëkura juaj është e ndotur, e dehidratuar, ose e ekspozuar ndaj dëmtimit të diellit. Rutinat e zgjeruara (si ajo Koreane me 5 ose 10 hapa) nuk janë gjë tjetër veçse një detajim i Tri Hapave Esencialë. Rutina Koreane (10 Hapa) Përputhshmëria me 3 Hapat Baza Pastrues me Vaj, Pastrues me Ujë PASTRIMI Toneri, Esenca, Serumi, Ampula, Kremi i Syve AKTIVET & HIDRATIMI I LEHTË Hidratuesi HIDRATIMI (Thelbi i barrierës) Krem Dielli (SPF) MBROJTJA (SPF) Përmbledhja e Koncepteve Filloni me bazën: Pastrues i butë, hidratues  dhe SPF 50+. Më pas, nëse dëshironi, shtoni serumin e preferuar, por vetëm pasi të keni përvetësuar me rigorozitet Tri Hapat e Panegociueshëm. Kështu ndërtohet lëkura e shëndetshme, pa qenë nevoja të shpenzoni shuma të mëdha.  
PRODUKTET NEOGEN QË DUHET PATJETËR TË KENI NË RUTINËN TUAJ

PRODUKTET NEOGEN QË DUHET PATJETËR TË KENI NË RUTINËN TUAJ

by Fabiola Mulaj on Oct 06, 2021
Ekzistojnë aq shumë produkte në përgjithësi në treg dhe veçanërisht në KORAL SECRETS, sa jemi të bindur që ju kemi bërë konfuz se cilat mund të jeni të duhurat për ju… Por, personalisht ndjej aq shumë ngazëllim kur shtohen produkte të reja, dhe më nxitet kurioziteti për t’i provuar. Po, cila markë po bëhet nga më të preferuarat tuaja? Sigurisht, Gjigandi NEOGEN! Këto ditë festojmë përvjetorin e 21-të themelimit të saj dhe ne festa të tilla i festojmë sigurisht me PROMOCIONE! Pse është kaq e dashur NEOGEN nga të gjithë? Kjo nuk na çudit për vetë faktin se laboratorët e saj, kanë shpikur 6 teknologji unike dhe sot zotërojnë më shumë se 50 patenta të certifikuara. Por, që të mos e teprojë me dashurinë time për Neogenin, dua të konkludoj me vetëm disa produkte që mendoj se janë “must” për lëkurën dhe duhet t’i provoni patjetër! NEOGEN Dermalogy Real Vita C Serum Padiskutim BESTSELLER në KORALS SECRETS! Bestseller im! Serumi përmban vitaminë C, një nga përbërësit shumë të preferuar dhe të gjendur në produktet koreane, sepse është një nga antioksidantët më të fuqishëm dhe u adresohet shumë problematikave të lëkurës. Stina e vjeshtës dhe dimrit, janë stinët më perfekte për të përfituar benefitet e vitaminës C. Çfarë ofron ky serum? Padiskutim rigjenerim dhe personalisht më ka ndihmuar me zbehjen e njollave të krijuara nga aknet. Por, ndihmon edhe me zbehjen e njollave kafe nga dielli, dhe parandalon krijimin apo formimin e rrudhave. Çfarë mund të dëshirojë më shumë se kaq lëkura ime…. dhe e juaja?! NEOGEN Dermalogy Real Ferment Micro Serum Besojmë se keni dëgjuar për përdorimin e përbërësve të fermentuar në produktet koreane? Kohët e fundit madje në mjekësi po aplikohet përdorimi i këtyre përbërësve për të pasur imunitiet të forte. NEOGEN Dermalogy Real Ferment Micro Serum, është në trajtë kremi (jam e sigurt se nuk keni përdorur më parë një të tillë) dhe përmban: 61% përbërës të fermentuar të cilët rrisin elasticitetin e lëkurës! Fermenti i filtruar nga orizi, balancon prodhimin e yndyrës & ndihmon në zbehjen e njollave kafe. Ka ardhur momenti t’i ofroni lëkurës fuqinë e përbërësve të fermentuar natyral dhe do të më kujtoni për këtë! NEOGEN Green Tea Real Fresh Foam Cleanser Një tjetër bestseller i NEOGEN! Një larës i fuqishëm për ta pastruar lëkurën nga përdorimi i produkteve që aplikojmë mbi të, por edhe nga faktorë të jashtëm siç janë smogu apo pluhurat. Por, gjithashtu ofron një qetësim dhe hidratim lëkurës, falë përmbajtjes me 100% çaj jeshil të fermentuar. Formula e tij speciale hipoalergjike e bën kaq te adhurueshëm nga personat me lëkurë të yndyrshme, mikse apo me tendencë akneike. Provojeni patjetër…  Edhe pse jam e sigurt se e keni provuar! NEOGEN H2 Dermadeca Serum Spray Dëshironi që t’a ndjeni gjithmonë të freskët në çdo moment të ditës dhe kudo që të ndodheni? Ky serum në formë spray ka me të vërtetë një super formulim! Jo më kot e them këtë pasi përmban, përbërësit “magjik”: niacinamide & vitaminë C! Një spray që ndihmon në zbehjen e njollave kafe në lëkurë, nuk është një produkt kaq i zakonshëm. Por, jo vetëm kaq… Ai përmban kolagjen për të na mbajtur lëkurën sa më të tendosur dhe pa rrudha! Dhe lista vazhdon… Përmbajtja me ekstrakt të bimës centella asiatica, qetëson, hidraton dhe freskon maksimalisht lëkurën dhe mbi të gjitha forcon barrierën mbrojtëse të saj! NEOGEN Dermalogy Calming Cicatree Pad Nëse lëkura juaj është sensitive dhe asnjëherë nuk e keni marrë guximin të përdorni një eksfoliues, me shumë bindje ju rekomandoj NEOGEN Dermalogy Calming Cicatree Pad. Sapo e kemi futur në koleksion, dhe kush e testojë marrjen e këtij produkti? Unë dhe lëkura ime sensitive! Përbërja e këtij produkti është po aq e veçantë sa çdo produkt tjetër i NEOGEN. Esenca e këtyre tamponave përmban 8 lloje acid hialuronik, 5 lloje keramidesh për t'a mbajtur të hidratuar lëkurën dhe gjithashtu e gjithë formula e saj ndihmon në reduktimin e skuqjes dhe nxitjes së prodhimit të kolagjenit. Përbërësi tjetër kryesor është ekstrakti nga gjethja e pemës së çajit, medikamenti numër 1 që kuron intensivisht aknet, dhe qetëson inflamacionin në lëkurë. Siç thotë edhe Christina Aguilera: “A genie in a bottle”! NEOGEN Collagen Lifting Cream NEOGEN Collagen Lifting Cream jo bestseller, por produkti që del më shpesh out of stock! Ka një konsistence aq të butë falë përmbajtjes me kolagjen & kolagjen të hidrolizuar sa që do ta ndjeni lëkurën plotësisht të hidratuar dhe të çlodhur! Mbajini larg shenjat e moshës falë dhe kushdo prej jush që shikon se po I shfaqen në lëkurë vijat e holla dhe rrudhat të mos hezitojë aspak përdorimin e tij! Këto nuk janë produkte që vetëm unë përdor dhe i sugjeroj plotësisht, por janë janë pëlqyer dhe kthyer në bestseller për një kohë rekord në KORAL SECRETS! E ku më mirë, se t’i përfitoni edhe për pak kohë në Promocionin deri -40% ulje, me rastin e përvjetorit të themelimit! Rasti më i mirë për t’i bërë tuajat me një çmim shumë të leverdisshëm! Përqafime, Fabiola!  
SI TË KUJDESEMI PËR FLOKËT GJATË VERËS?

SI TË KUJDESEMI PËR FLOKËT GJATË VERËS?

by Yvana Zike on Aug 06, 2021
Vitet e fundit është rritur ndërgjegjësimi se rrezet UVA/UVB të diellit e dëmtojnë dhe rrezikojnë shumë shëndetin e lëkurës, por gjithashtu duhet të jemi të vetëdijshëm edhe për dëmtimin që i shkaktojnë flokëve! E kur ato i kemi të lyer, apo të dekoloruar mundësia e dëmtimit të tyre gjatë pushimeve verore në plazh është shumë e lartë! Ashtu si lëkura, edhe boshti i flokëve që del nga skalpi i kokës, ka një shtresë të jashtme mbrojtëse të quajtur kutikula e flokëve. Kjo e fundit është e përbërë nga qeliza të vdekura, pa pigment, që shtresëzohen së bashku dhe mbivendosen për të mbrojtur boshtin e flokëve nga rrezet UV dhe nga dëmtimi që mund të shkaktojnë radikalet e lira. Qëndrimi i gjatë jashtë në ditë të nxehta mund t’i dëmtojnë kutikulat e flokëve, duke e shkatërruar lidhjen e qelizave që i përbëjnë ato, dhe lejojnë depërtimin e rrezeve UV në brendësinë e skalpit. Si pasojë e këtij dëmtimi, flokët do të humbin hidratimin e duhur, gjallërinë dhe pigmentin e nevojshëm! E kush e dëshiron këtë gjë, vajza? ASKUSH! Le të përpiqemi të parandalojmë dëmtimin e tyre, sepse e kemi thënë shpesh që parandalimi është rruga e duhur dhe më e lehtë se sa ta trajtojmë flokun pasi është bërë dëmi.. Më poshtë, do t’ju shkruaj disa mënyra efikase për të “shpëtuar” flokët tuaj këtë verë: • Mbroni flokët nga rrezet UV E di, që është e vështirë të gjendet një krem SPF, që të mund të përdoret në skalpin apo në gjatësinë e flokëve, por unë kam gjetur një mënyrë sesi t’i mbroj ato pa e yndyrosur më shumë flokun tim të yndyrshëm, dhe do jua zbuloj edhe juve tani (nuk është se kam bërë ndonjë shpikje): Mbrojtësi me SPF në formë pudre, dhe cili është ky? MAXCLINIC Catrin Natural 100 Sunkill RX SPF46 PA+++! Këtë produkt e aplikoj sidomos në skalp dhe në rrënjën e flokut. Ndërsa për gjatësinë e flokut tim të lyer bjond (rrënjën e flokut nuk e lyej asnjëherë me bojë), përdor një spray që është pëlqyer edhe nga ju, e linjës vegane me quinoa : AROMATICA Quinoa Protein Hair Ampoule! Nuk e rëndon flokun as rrënjën e tij madje ka përqëndrim aq të lartë përbërësish sa përveçse i mbron flokët nga dielli, i hidraton dhe i ushqen me proteina, duke i mbrojtur kutikulat e tij deri në 5 shtresa! • Mbani gjithmonë një kapele kashtë (sa me të madhe!) Duket si cliché, kur dëgjojmë se mbajtja e kapeles gjatë verës është shumë e rëndësishme, por përveçse mbron fytyrën dhe qafën nga rrezet UV, arrin të jetë një strehë mbrojtëse edhe për flokët! Thjesht, vendoseni kapelen përpara se të dilni, dhe përveçse do të ngjani shumë “fancy”, do të arrini njëkohësisht të mbroni si fytyrën ashtu edhe skalpin e flokët! • Përdorni vajra flokësh me përbërje shumë ushqyese Dermatologët vitet e fundit sugjerojnë përdorimin e përbërësve antioksidues në kombinim me SPF-në! E themi shpesh se përdorimi në fytyrë i një esence/ serumi me vitaminë C ose E, përpara aplikimit të mbrojtësit SPF, do të rrisë fuqinë mbrojtëse të filtrave të këtij të fundit, dhe do të pakësoi efektet e dëmshme të rrezeve UV. E njëjta logjikë duhet ndjekur edhe për kujdesin dhe mbrojtjen e flokëve. Duke përdorur vajra ushqyes me veti antioksiduese, do të arrijmë të parandalojmë tharjen, mungesën e shkëlqimit, apo zbehjes së ngjyrës së flokëve! Vitamina E, acidet yndyrore omega 6 dhe acidi linolenik, që përmban esenca e flokëve me vaj argani: NATURE REPUBLIC Argan Essential Deep Care Essence, do t’i ofrojnë flokut butësi, forcim dhe shumë elasticitet!   Personalisht këtë vaj-esencë e përdor në disa mënyra, pasi kam larë flokët dhe i thaj me tharëse, dhe njësoj siç aplikoj në fytyrë serumin antioksidues përpara kremit SPF, e aplikoj edhe këtë vaj në flokë përpara se të vendos mbrojtësin me SPF për flokët! Këto janë disa këshilla nga unë për ta mbajtur flokun plot jetë gjatë verës dhe gjithë vitit… Do të më pëlqente të dija edhe se si ju kujdeseni për flokët tuaja, dhe nëse keni dëshirë mund të na lini më poshtë sugjerimet tuaja!   Përqafime dhe pushime të mbara kudo që të jeni duke i kaluar, Yvana