Krem për zonën e syve Sipas problematikës

BEAUTY OF JOSEON Revive Eye Serum: Ginseng + Retinal

~~2,100.00 ALL~~ 1,300.00 ALL

BEAUTY OF JOSEON Revive Eye Serum: Ginseng + Retinal është serum për zonën rreth syve i cili i adresohet shenjave të moshës, por mund të përdoret në të gjithë fytyrën. Kur mungon proteina që i ofron elasticitet shtresës së sipërme të lëkurës, përqindja e kolagjenit dhe acidit hialuronik ulet, gjë e cila sjell shfaqje të rrudhave. Ky serum ndihmon në minimizimin e vijave të holla dhe rrudhave falë kombinimit me 10% ekstrakt të rrënjës së ginseng-ut dhe 2% të retinës. Ginsengu tashmë njihet si një përbërës bimor shumë efikas në përmirësimin e shenjave të moshës, pasi në përmbajtjen e tij ka sasi të bollshme të saponinave. Këto të fundit janë komponime natyrale që gjenden në të gjitha qelizat e bimëve bishtajore dhe kanë efekte antioksiduese, antiskeptike dhe anti-inflamatore në lëkurë, duke e mbrojtur atë nga dëmtimet e rrezeve të dëmshme UV. Gjithashtu ofrojnë hidratim të thellë dhe ndihmojnë në krijimin e një barriere mbrojtëse të shëndetshme. Përbërësi i dytë që kombinohet me ginseng-un, është vitamina A. Ekzistojnë 2 lloje të kësaj vitamine të cilat përdoren gjerësisht në produktet kozmetike të kujdesit të lëkurës, retinoli dhe retina. Shkencëtarët të cilët kanë punuar mbi prodhimin e këtij serumi kanë synuar që të arrijnë stabilitet të përbërjes, në mënyrë që të reduktojnë çdo irritim të mundshëm. 2% i retinës (nga ku 0.02% është përbërës aktiv), në formë liposomesh, është përzier në formulë, duke e thyer retinën në elementë më të vegjël. Ky serum përmban gjithashtu glicerinë, niacinamide dhe kolesterol për të rritur fuqitë vepruese të ginseng-ut dhe retinës, teksa ndihmojnë edhe në zbehjen e rrathëve të zinj dhe dehidratimit të lëkurës. Konsistenca e këtij serumi është e plotë, por nuk lë aspak ndjesi rëndese.

Formula e tij është vegane, e testuar dermatologjikisht dhe nuk përmban përbërës të dëmshëm dhe irritues për zonën rreth syve, si: alkool, paraben, silikon, sulfate, fragrancë artificiale, vajra esencial.

*30ml

Përdorimi

Përbërësit

Përbërësit "magjik"

ginseng, retinal

Lista e plotë e përbërësve

Water, Panax Ginseng Root Extract, Glycerin, Dipropylene Glycol, Caprylic/Caprictriglyceride, 1,2-Hexanediol, Pentaerythrityl Tetraethylhexanoate, Niacinamide, Butyleneglycol Dicaprylate/Dicaprate, Cetearyl Alcohol, Sorbitan Olivate, Cetearyl Olivate,Butylene Glycol, Hydrogenated Lecithin, Tromethamine, Carbomer, Glyceryl Stearate,Macadamia Ternifolia Seed Oil, Adenosine, Theobroma Cacao (Cocoa) Extract, Dextrin,Cholesterol, Polyglyceryl-10 Oleate, Retinal, Brassica Campestris (Rapeseed) Sterols,Phytosteryl/Behenyl/Octyldodecyl Lauroyl Glutamate, Silica, Sodium Hyaluronate,Tocopherol, Aluminum/Magnesium Hydroxide Stearate, Potassium Cetyl Phosphate,Pentaerythrityl Tetra-Di-T-Butyl Hydroxyhydrocinnamate, Ceramide Np, Palmitoyltripeptide-5, Disodium Edta, Ethylhexylglycerin

Marka

Beauty of Joseon është një markë për kujdesin e lëkurës e cila është frymëzuar nga bukuria e femrave gjatë Dinastisë Koreane Joseon. Gjatë asaj kohe gratë nga kjo Dinasti fokusoheshin shumë në kujdesin e lëkurës, për t'a pasur këtë të fundit shumë të pastër dhe të shëndetshme, dhe jo t'a mbulonin këtë të fundit me grim të rëndë. Sekreti i bukurisë së këtyre grave u rregjistrua në Gyuhap Chongseo, e cila konsiderohet si enciklopedia e bukurisë e Dinastisë Joseon e shkruar nga Yi Bingheogak, një studiuese femër e lindur nga një familje prestigjoze në vitet 1809, ku femrat përshkruheshin me një çehre të shëndetshme dhe të shndritshme. Kështu i interpreton dhe marka produktet e kujdesit të kujdesit të lëkurës, të cilat kryesisht fokusohen në kombinimin e magjisë së bimëve tradicionale që përmbajnë Hanbang (ilaçe bimore tradicionale Koreane), duke u bashkuar me përbërësit modernë të mbeshtetur sigurisht shkencërisht.

GOODAL Green Tangerine Vita C Dark Circle Eye Cream

~~3,500.00 ALL~~ 2,000.00 ALL

Dëshironi t'i thoni lamtumirë rrathëve të zinj rreth syve, në vetëm 4 javë? Trajtimi intensiv GOODAL Green Tangerine Vita C Dark Circle Eye Cream, ka kaluar studimin klinik, ku 85.7% e njerëzve kanë parë reduktim maksimal të problematikës së tyre me rrathët e zinj. Ky rezultat mahnitës vjen falë ekstraktit green tangerine, i cili përmban 10 herë më shumë vitaminë C! Ky përbërës i kombinuar me adenosine dhe peptide të ndryshme e rrit elasticitetin e lëkurës, duke tërhequr vijat dhe rrudhat e krijuara në të. Me përdorim të përditshëm, ky krem do t'i adresohet shumë problematikave njëherësh. Formula e tij është hipoalergjike, pa përbërës irritues, dhe nuk përmban përbërës të dëmshëm, si: paraben, triclosan, ngjyrues artificial, fragrancë artificiale, formaldehyde, oxybenzone, dhe alkool.

*30ml

Përdorimi

Përbërësit

Përbërësit "magjik"

green tangerine, viaminë C, peptide, adenosine

Lista e plotë e përbërësve

Citrus Tangerina (Tangerine) Extract, Water, Butylene Glycol, Glycerin, Propanediol, Pentaerythrityl Tetraethylhexanoate, Pentylene Glycol, Niacinamide, Arbutin, 1,2-Hexanediol, Polymethylsilsesquioxane, Diisostearyl Malate, Vinyl Dimethicone, Diglycerin, Caprylic/Capric/Myristic/Stearic Triglyceride, Methyl Methacrylate Crosspolymer, Sodium Polyacryloyldimethyl Taurate, Ammonium Acryloyldimethyltaurate/Beheneth-25 Methacrylate Crosspolymer, Bis-Diglyceryl Polyacyladipate-2, Chlorella Vulgaris Extract, Glucose, Dimethiconol, Acrylates/C10-30 Alkyl Acrylate Crosspolymer, Hydroxyacetophenone, Tromethamine, 2-O-Ethyl Ascorbic Acid, Fructooligosaccharides, Fructose, Glucosyl Hesperidin, Ethylhexylglycerin, Glyceryl Acrylate/Acrylic Acid Copolymer, Melia Azadirachta Flower Extract, Allantoin, Dipotassium Glycyrrhizate, Adenosine, Melia Azadirachta Leaf Extract, Curcuma Longa (Turmeric) Root Extract, Ocimum Sanctum Leaf Extract, Disodium EDTA, Corallina Officinalis Extract, Ascorbic Acid Polypeptide, Tocopherol (Vitamin E)

Marka

GOODAL është një markë koreane e përkujdesjes së lëkurës shumë e njohur në Azi dhe prej vitesh në Perëndim! Emri i së cilës është krijuar nga bashkimi i fjalëve Good (e mirë) + All (gjithçka). Marka është themeluar dhe krijuar në vitin 2011, për të krijuar dhe prodhuar produkte me formulime të përqëndruara nga përbërës natyralë të bimë shumë të veçanta, bimë egra të rritura në pyjet e Amazonës! Nga këto bimë janë nxjerrë vajra esencialë në procesin e fermentimit të tyre, falë teknologjisë së lartë që vetë marka ka investuar! Këta përbërës, kultivohen në sezone të ndryshme në Kore, nga verërat e nxehta dhe të lagështa, deri në dimra të ftohta. Përbërësi kyç i markës GOODAL, janë ekstrakti i nxjerrë nga qitro jeshile, e quajtur green tangerine, i pasura me 10 herë më shumë vitaminë C se agrumet e zakonshme, vitaminë P e cila është sintetizuese e kolagjenit, duke e mbrojtur lëkurën nga radikalet e lira, dhe përbërës të tjerë aktivë, për t’i ofruar lëkurës përfitime mbresëlënëse! Filozofia e markës GOODAL, e thotë më së miri: “Ofrojini lëkurës tuaj gjithçka të mirë ajo ka nevojë!”

HEIMISH Marine Care Eye Cream

~~4,000.00 ALL~~ 2,200.00 ALL

HEIMISH Marine Care Eye Cream është kremi ideal për zonën rreth syve i formuluar me 51% lëndë ushqyese dhe minerale detare dhe 2% niacinamide, duke mundësuar hidratim të thellë të zonës poshtë syve. Ky krem adreson disa problematika, si:
-Qeskat dhe rrathët e zinj, falë formulimit me ujë detar dhe niacinamide;
-Vijat e holla dhe rrudhat, falë formulimit me peptide, kolagjen dhe adenosine. Falë aplikatorit që kremi ka në paketim do t'ju ofrojë zonës poshtë syve një masazh shumë relaksues, duke ulur vatrat e nxehta. Ky krem premton freski dhe një pamje më rinore të zonës rreth syve! Për efekte maksimale antirrudhë, sugjerojmë përdorimin e tij, bashkë me kremin e linjës: HEIMISH Marine Care Deep Moisture Nourishing Melting Cream.

*30ml

Përdorimi

Përbërësit

Përbërësit "magjik"

peptide, kolagjen, niacinamide, ujë detar, ekstrakt i qelizave staminale bimore

Lista e plotë e përbërësve

Water,Butylene Glycol,Ecklonia Cava Extract,Undaria Pinnatifida Extract,Hizikia Fusiforme Extract,Laminaria Japonica Extract,Glycerin,Cetearyl Alcohol,Caprylic/Capric Triglyceride,Cetyl Ethylhexanoate,Hydrogenated Polydecene,Macadamia Ternifolia Seed Oil,Niacinamide,Cyclopentasiloxane,Glycol Palmitate,Glycol Stearate SE,1,2-Hexanediol,Hydrogenated Vegetable Oil,Butyrospermum Parkii (Shea) Butter,Glyceryl Stearate,Cyclohexasiloxane,Sodium Hyaluronate,Beta-Glucan,Leontopodium Alpinum Callus Culture Extract,Agarum Cribosum Extract,Codium Fragile Extract,Codium Tomentosum Extract,Enteromorpha Compressa Extract,Laminaria Cloustoni Extract,Laminaria Digitata Extract,Porphyra Yezoensis Extract,Solidago Virgaurea (Goldenrod) Extract,Ulva Lactuca Extract,Copper Tripeptide-1,Ethylhexylglycerin,Acetyl Hexapeptide-8,Adenosine,Trehalose,Tocopheryl Acetate,Sorbitan Olivate,Sorbitan Palmitate,Dipropylene Glycol,Titanium Dioxide,Glycol,CI 77288,Palmitic Acid,Sorbitan Isostearate,CI 77492,CI 77499,Stearic Acid,Aluminum Starch Octenylsuccinate,Hydrogenated Lecithin,Cetyl Palmitate,Dimethicone,Hydroxyacetophenone,Polyacrylate-13,PEG-100 Stearate,Polyisobutene,Polysorbate 20,Butylphenyl Methylpropional,Linalool,Fragrance,Disodium EDTA

Marka

Marka koreane Heimish është lançuar në vitin 2016 me produktet e kujdesit të lëkurës dhe ato kozmetike. Slogani i tyre është "Vlera më e madhe krijohet nga "normalja" dhe bukuria është brenda secilit prej nesh, jo nga zbukurimet e tepërta". Produkti më i shitur i markës është balmi pastrues HEIMISH All Clean Balm falë të cilit ju mund të pastroni thellësisht lëkurën, qelizat e vdekura të lëkurës dhe pikat e zeza menjëherë.

I'M FROM Ginseng Eye Cream

~~4,500.00 ALL~~ 2,800.00 ALL

Ginseng Eye Cream nga marka I'M FROM, është një krem për zonën delikate dhe problematike rreth syve pjesë e linjës: I'M FROM Ginseng! Ashtu si e gjitha linja përmban përbërës aktiv si: ai i bimës së ginsengut të kuq gjashtëvjeçar, duke e bërë këtë krem zgjidhjen perfekte për përmirësimin dhe mbushjen e rrudhave, duke e forcuar atë zonë të hollë të lëkurës së fytyrës. Formula e tij kombinon gjethen (panax ginseng), kërcellin dhe rrënjën e kësaj bime kurative koreane. Të gjithë këta përbërës i ofrojnë zonës rreth syve freski, gjallëri dhe një pamje më rinore. Ky krem, falë kësaj bime, ka veti antioksiduese dhe hidratuese që e bëjnë lëkurën të ruajë lagështinë e saj natyrale dhe të ketë një barrierë të fortë. I përshtatshëm për të gjitha tipet e lëkurës, kryesisht i adresohet shenjave të moshës! Për të përfituar efektet maksimale, këshillohet të përdoret bashkë me serumin e linjës: I'M FROM Ginseng Serum.

Formula e tij është e testuar dermatologjikisht dhe nuk përmban përbërës të dëmshëm, dhe irritues për lëkurën, si: paraben, sulfate, silikon, vajra artificial dhe fragrancë artificiale.

*30g

Përdorimi

Në mëngjes dhe mbrëmje, pasi të keni aplikuar tonerin, esencën dhe/ose serumin e rutinës suaj e përpara se të vendosni kremin hidratues, aplikojeni produktin lehtësisht në zonën rreth syve. Gjithashtu, mund ta vendosni edhe në zona të tjera të fytyrës ku ju janë shfaqur rrudha.

Përbërësit

Përbërësit “magjik”

Ekstrakt i bimës së ginseng-u të kuq dhe panax ginseng.

Lista e plotë e përbërësve

Water, Butylene Glycol, Caprylic/Capric Triglyceride, Glycerin, Cetearyl Olivate, Butyrospermum Parkii (Shea) Butter, Simmondsia Chinensis (Jojoba) Seed Oil, Cetearyl Alcohol, Sorbitan Olivate, Beeswax, Hydroxyethyl Acrylate/Sodium Acryloyldimethyl Taurate Copolymer, Isododecane, Squalane, Panax Ginseng Root Extract, Dimethicone, Betaine, , Angelica Gigas Root Extract, 1,2-Hexanediol, Red Ginseng Root Extract, Dimethicone, Dimethicone/Vinyl Dimethicone Crosspolymer, Glyceryl Caprylate, Dipotassium Glycyrrhizate, Allantoin, Xanthan Gum, Adenosine, Sorbitan isostearate, Ethylhexylglycerin, Boswellia Serrata Resin Extract, Disodium EDTA, Methylpropanediol,, Sodium Acetylated Hyaluronate, Zanthoxylum Piperitum Fruit Extract, Usnea Barbata(Lichen) Extract, Sodium Hyaluronate, Solubie Collagen, Hydrolyzed Hyaluronic acid, Ethylhexylglycerin, Sodium Acetylated

Marka

Marka e produkteve të përkujdesjes ndaj lëkurës “I’M FROM” njihet për filozofinë e saj të veçantë që e dallon nga markat e tjera. Secili produkt me shumë krenari, liston të gjithë përbërësit, si edhe origjinën e tyre dhe kështu merr kuptim emri i markës “I’M FROM”, që do të thotë "Unë jam nga”. Slogani i tyre “Nature as it is", që përkthehet “Natyra ashtu siç është", tregon shumë për marrëdhënien e ngushtë që ka krijuar marka me natyrën duke sjellë produktet më natyrale të mundshme. Këtë gjë e tregojnë më së miri produktet si: "Mugwort Essence" e përbërë me 100% ekstrakt nga bima mugwort e marrë nga ishulli Ganghwa, linja e produkteve me mjaltë "Honey" që merret nga bletët e malit Jiri apo "Vitamin Tree Water Gel" e përbërë nga uji i gjetheve të bimës që rritet në malin Taebaek. Formulimet e tyre janë aq të veçanta, efektive dhe të sigurta për të ndihmuar lëkurën duke i dhuruar një pamje më të shëndetshme dhe më rinore.

Related blog posts

PRODUKTET NEOGEN QË DUHET PATJETËR TË KENI NË RUTINËN TUAJ

by Fabiola Mulaj on Oct 06, 2021

Ekzistojnë aq shumë produkte në përgjithësi në treg dhe veçanërisht në KORAL SECRETS, sa jemi të bindur që ju kemi bërë konfuz se cilat mund të jeni të duhurat për ju… Por, personalisht ndjej aq shumë ngazëllim kur shtohen produkte të reja, dhe më nxitet kurioziteti për t’i provuar. Po, cila markë po bëhet nga më të preferuarat tuaja? Sigurisht, Gjigandi NEOGEN! Këto ditë festojmë përvjetorin e 21-të themelimit të saj dhe ne festa të tilla i festojmë sigurisht me PROMOCIONE! Pse është kaq e dashur NEOGEN nga të gjithë? Kjo nuk na çudit për vetë faktin se laboratorët e saj, kanë shpikur 6 teknologji unike dhe sot zotërojnë më shumë se 50 patenta të certifikuara. Por, që të mos e teprojë me dashurinë time për Neogenin, dua të konkludoj me vetëm disa produkte që mendoj se janë “must” për lëkurën dhe duhet t’i provoni patjetër! NEOGEN Dermalogy Real Vita C Serum Padiskutim BESTSELLER në KORALS SECRETS! Bestseller im! Serumi përmban vitaminë C, një nga përbërësit shumë të preferuar dhe të gjendur në produktet koreane, sepse është një nga antioksidantët më të fuqishëm dhe u adresohet shumë problematikave të lëkurës. Stina e vjeshtës dhe dimrit, janë stinët më perfekte për të përfituar benefitet e vitaminës C. Çfarë ofron ky serum? Padiskutim rigjenerim dhe personalisht më ka ndihmuar me zbehjen e njollave të krijuara nga aknet. Por, ndihmon edhe me zbehjen e njollave kafe nga dielli, dhe parandalon krijimin apo formimin e rrudhave. Çfarë mund të dëshirojë më shumë se kaq lëkura ime…. dhe e juaja?! NEOGEN Dermalogy Real Ferment Micro Serum Besojmë se keni dëgjuar për përdorimin e përbërësve të fermentuar në produktet koreane? Kohët e fundit madje në mjekësi po aplikohet përdorimi i këtyre përbërësve për të pasur imunitiet të forte. NEOGEN Dermalogy Real Ferment Micro Serum, është në trajtë kremi (jam e sigurt se nuk keni përdorur më parë një të tillë) dhe përmban: 61% përbërës të fermentuar të cilët rrisin elasticitetin e lëkurës! Fermenti i filtruar nga orizi, balancon prodhimin e yndyrës & ndihmon në zbehjen e njollave kafe. Ka ardhur momenti t’i ofroni lëkurës fuqinë e përbërësve të fermentuar natyral dhe do të më kujtoni për këtë! NEOGEN Green Tea Real Fresh Foam Cleanser Një tjetër bestseller i NEOGEN! Një larës i fuqishëm për ta pastruar lëkurën nga përdorimi i produkteve që aplikojmë mbi të, por edhe nga faktorë të jashtëm siç janë smogu apo pluhurat. Por, gjithashtu ofron një qetësim dhe hidratim lëkurës, falë përmbajtjes me 100% çaj jeshil të fermentuar. Formula e tij speciale hipoalergjike e bën kaq te adhurueshëm nga personat me lëkurë të yndyrshme, mikse apo me tendencë akneike. Provojeni patjetër… Edhe pse jam e sigurt se e keni provuar! NEOGEN H2 Dermadeca Serum Spray Dëshironi që t’a ndjeni gjithmonë të freskët në çdo moment të ditës dhe kudo që të ndodheni? Ky serum në formë spray ka me të vërtetë një super formulim! Jo më kot e them këtë pasi përmban, përbërësit “magjik”: niacinamide & vitaminë C! Një spray që ndihmon në zbehjen e njollave kafe në lëkurë, nuk është një produkt kaq i zakonshëm. Por, jo vetëm kaq… Ai përmban kolagjen për të na mbajtur lëkurën sa më të tendosur dhe pa rrudha! Dhe lista vazhdon… Përmbajtja me ekstrakt të bimës centella asiatica, qetëson, hidraton dhe freskon maksimalisht lëkurën dhe mbi të gjitha forcon barrierën mbrojtëse të saj! NEOGEN Dermalogy Calming Cicatree Pad Nëse lëkura juaj është sensitive dhe asnjëherë nuk e keni marrë guximin të përdorni një eksfoliues, me shumë bindje ju rekomandoj NEOGEN Dermalogy Calming Cicatree Pad. Sapo e kemi futur në koleksion, dhe kush e testojë marrjen e këtij produkti? Unë dhe lëkura ime sensitive! Përbërja e këtij produkti është po aq e veçantë sa çdo produkt tjetër i NEOGEN. Esenca e këtyre tamponave përmban 8 lloje acid hialuronik, 5 lloje keramidesh për t'a mbajtur të hidratuar lëkurën dhe gjithashtu e gjithë formula e saj ndihmon në reduktimin e skuqjes dhe nxitjes së prodhimit të kolagjenit. Përbërësi tjetër kryesor është ekstrakti nga gjethja e pemës së çajit, medikamenti numër 1 që kuron intensivisht aknet, dhe qetëson inflamacionin në lëkurë. Siç thotë edhe Christina Aguilera: “A genie in a bottle”! NEOGEN Collagen Lifting Cream NEOGEN Collagen Lifting Cream jo bestseller, por produkti që del më shpesh out of stock! Ka një konsistence aq të butë falë përmbajtjes me kolagjen & kolagjen të hidrolizuar sa që do ta ndjeni lëkurën plotësisht të hidratuar dhe të çlodhur! Mbajini larg shenjat e moshës falë dhe kushdo prej jush që shikon se po I shfaqen në lëkurë vijat e holla dhe rrudhat të mos hezitojë aspak përdorimin e tij! Këto nuk janë produkte që vetëm unë përdor dhe i sugjeroj plotësisht, por janë janë pëlqyer dhe kthyer në bestseller për një kohë rekord në KORAL SECRETS! E ku më mirë, se t’i përfitoni edhe për pak kohë në Promocionin deri -40% ulje, me rastin e përvjetorit të themelimit! Rasti më i mirë për t’i bërë tuajat me një çmim shumë të leverdisshëm! Përqafime, Fabiola!

SI TË KUJDESEMI PËR FLOKËT GJATË VERËS?

by Yvana Zike on Aug 06, 2021

Vitet e fundit është rritur ndërgjegjësimi se rrezet UVA/UVB të diellit e dëmtojnë dhe rrezikojnë shumë shëndetin e lëkurës, por gjithashtu duhet të jemi të vetëdijshëm edhe për dëmtimin që i shkaktojnë flokëve! E kur ato i kemi të lyer, apo të dekoloruar mundësia e dëmtimit të tyre gjatë pushimeve verore në plazh është shumë e lartë! Ashtu si lëkura, edhe boshti i flokëve që del nga skalpi i kokës, ka një shtresë të jashtme mbrojtëse të quajtur kutikula e flokëve. Kjo e fundit është e përbërë nga qeliza të vdekura, pa pigment, që shtresëzohen së bashku dhe mbivendosen për të mbrojtur boshtin e flokëve nga rrezet UV dhe nga dëmtimi që mund të shkaktojnë radikalet e lira. Qëndrimi i gjatë jashtë në ditë të nxehta mund t’i dëmtojnë kutikulat e flokëve, duke e shkatërruar lidhjen e qelizave që i përbëjnë ato, dhe lejojnë depërtimin e rrezeve UV në brendësinë e skalpit. Si pasojë e këtij dëmtimi, flokët do të humbin hidratimin e duhur, gjallërinë dhe pigmentin e nevojshëm! E kush e dëshiron këtë gjë, vajza? ASKUSH! Le të përpiqemi të parandalojmë dëmtimin e tyre, sepse e kemi thënë shpesh që parandalimi është rruga e duhur dhe më e lehtë se sa ta trajtojmë flokun pasi është bërë dëmi.. Më poshtë, do t’ju shkruaj disa mënyra efikase për të “shpëtuar” flokët tuaj këtë verë: • Mbroni flokët nga rrezet UV E di, që është e vështirë të gjendet një krem SPF, që të mund të përdoret në skalpin apo në gjatësinë e flokëve, por unë kam gjetur një mënyrë sesi t’i mbroj ato pa e yndyrosur më shumë flokun tim të yndyrshëm, dhe do jua zbuloj edhe juve tani (nuk është se kam bërë ndonjë shpikje): Mbrojtësi me SPF në formë pudre, dhe cili është ky? MAXCLINIC Catrin Natural 100 Sunkill RX SPF46 PA+++! Këtë produkt e aplikoj sidomos në skalp dhe në rrënjën e flokut. Ndërsa për gjatësinë e flokut tim të lyer bjond (rrënjën e flokut nuk e lyej asnjëherë me bojë), përdor një spray që është pëlqyer edhe nga ju, e linjës vegane me quinoa : AROMATICA Quinoa Protein Hair Ampoule! Nuk e rëndon flokun as rrënjën e tij madje ka përqëndrim aq të lartë përbërësish sa përveçse i mbron flokët nga dielli, i hidraton dhe i ushqen me proteina, duke i mbrojtur kutikulat e tij deri në 5 shtresa! • Mbani gjithmonë një kapele kashtë (sa me të madhe!) Duket si cliché, kur dëgjojmë se mbajtja e kapeles gjatë verës është shumë e rëndësishme, por përveçse mbron fytyrën dhe qafën nga rrezet UV, arrin të jetë një strehë mbrojtëse edhe për flokët! Thjesht, vendoseni kapelen përpara se të dilni, dhe përveçse do të ngjani shumë “fancy”, do të arrini njëkohësisht të mbroni si fytyrën ashtu edhe skalpin e flokët! • Përdorni vajra flokësh me përbërje shumë ushqyese Dermatologët vitet e fundit sugjerojnë përdorimin e përbërësve antioksidues në kombinim me SPF-në! E themi shpesh se përdorimi në fytyrë i një esence/ serumi me vitaminë C ose E, përpara aplikimit të mbrojtësit SPF, do të rrisë fuqinë mbrojtëse të filtrave të këtij të fundit, dhe do të pakësoi efektet e dëmshme të rrezeve UV. E njëjta logjikë duhet ndjekur edhe për kujdesin dhe mbrojtjen e flokëve. Duke përdorur vajra ushqyes me veti antioksiduese, do të arrijmë të parandalojmë tharjen, mungesën e shkëlqimit, apo zbehjes së ngjyrës së flokëve! Vitamina E, acidet yndyrore omega 6 dhe acidi linolenik, që përmban esenca e flokëve me vaj argani: NATURE REPUBLIC Argan Essential Deep Care Essence, do t’i ofrojnë flokut butësi, forcim dhe shumë elasticitet! Personalisht këtë vaj-esencë e përdor në disa mënyra, pasi kam larë flokët dhe i thaj me tharëse, dhe njësoj siç aplikoj në fytyrë serumin antioksidues përpara kremit SPF, e aplikoj edhe këtë vaj në flokë përpara se të vendos mbrojtësin me SPF për flokët! Këto janë disa këshilla nga unë për ta mbajtur flokun plot jetë gjatë verës dhe gjithë vitit… Do të më pëlqente të dija edhe se si ju kujdeseni për flokët tuaja, dhe nëse keni dëshirë mund të na lini më poshtë sugjerimet tuaja! Përqafime dhe pushime të mbara kudo që të jeni duke i kaluar, Yvana

CILAT PRODUKTE NEVOJITEN GJATË PUSHIMEVE VERORE?

by Fabiola Mulaj on Jul 09, 2021

Përshëndetje të gjithëve! Unë jam Fabiola, pjesë e stafit KORAL SECRETS! Së bashku kemi komunikuar vazhdimisht në rrjete sociale, në biseda telefonike, për sugjerime, apo problematika të ndryshme… Por tashmë kam vendosur të vijë më pranë jush me anë të një blogu, tema e së cilit mendoj se është e vlefshme për secilën/in prej nesh! “Produkte që nevojiten gjatë pushimeve verore”! Të gjithë i konsiderojmë pushimet verore si koha më e bukur dhe nga to lindin edhe kujtimet më të bukura! Pushimet i shijojmë në shoqërinë e miqve dhe familjarëve. Krahas kënaqësisë dhe relaksimit që ne përfitojmë, është shumë e rëndësishme përkujdesja e lëkurës, apo jo? Jo vetëm gjatë pushimeve, sigurisht, por duke ndërruar ambient dhe klimë, nga ajo e zakonshmja, lëkura jo gjithmonë e mirëpret këtë ndryshim, prandaj duhet të jemi gjithmonë të përgatitur! Ndaj dhe kam vendosur të ndaj me ju disa produkte të domosdoshme, që unë i mbaj gjithmonë me vete, gjatë pushimeve të mia, që në verë janë në shumicën e rasteve në plazh… Mbrojtja ndaj rrezeve të dëmshme të diellit E theksojmë gjithmonë në bisedat me ju, sa i domosdoshëm është aplikimi dhe riaplikimi i SPF-së! Prandaj një nga produktet më të rëndësishme, që duhet të keni në arsenalin tuaj në valixhen e pushimeve, është një krem mbrojtës ndaj rrezeve të forta të diellit. Qëndrimi gjatë nën rrezet e diellit, mund të sjellë një sërë problematikash në lëkurë, por dy më kryesoret janë: shenja të moshës dhe hiperpigmentim! Të dyja shumë të panevojshme, apo jo? Aplikoni dhe RIAPLIKONI, një sasi të konsiderueshme të kremit SPF, për t’u siguruar që lëkura juaj të jetë maksmalisht e mbrojtur. Një SPF me spektër të lartë mbrojtjeje, dhe njëkohësisht shumë komod është: BENTON Mineral Sun Stick! Është në formë stick-u, çka e bën shumë të lehtë riaplikimin e tij gjatë gjithë ditës, në plazh apo në qytet... Gjithashtu një variant tjetër në varësi të tipit të lëkurës që keni, është SPF nga marka TOUN28, rezistente ndaj ujit dhe djersitjes, i formuluar me filtra organik të certifikuar, çka e bën të përshtatshëm për personat me lëkurë shumë sensitive dhe madje për gjithë familjen, i sigurt për fëmijët nga mosha 1 vjeç. Pra, ju heq bezdinë e mbajtjes me vete të qind SPF-ve për secilin pjesëtar. Për lëkurën e thatë është varianti: TOUN28 B1 Sun Screen UV+HEV Defense Organic & Non-Nano SPF 50+ PA++++ ndërsa për lëkurën e yndyrshme & mikse: TOUN28 B2 Sun Screen UV+HEV Defense Organic & Non-Nano SPF 50+ PA++++! Kujdesi pas plazhit (After sun) Ndonjëherë kujdesi i lëkurës pas një dite të zhytur në rrezet e forta të diellit, merr shumë pak vëmëndje, por është rutina më e rëndësishme për një lëkurë pa probleme post-plazh! Trajtimi pas diellit është thelbësor për të parandaluar dëmin e shkaktuar menjëherë pas ekspozimit ndaj tij, dhe dëmin e shkaktuar në afatgjatë. Si fillim do t’ju sugjeronim një dush të freskët, për të ndihmuar në qetësimin e lëkurës, dhe në përgatitjen e saj për hapat e rradhës. Ju sugjeroj një locion ushqyes dhe freskues. Një krem fantastik hidratues, trajtues, qetësues dhe after-sun është KLAIRS Midnight Blue Calming Cream për fytyrën, ndërsa për trupin, por që përdoret normalisht edhe për fytyrën, SOME BY MI AHA, BHA, PHA Real Cica 92% Cool Calming Soothing Gel. Ky xhel u adresohet shumë problematikave njëherësh, si: thatësisë së lëkurës, shpërthimeve akneike, djegies së lëkurës nga dielli. Mendoni për një moment që pas djegies që mund të ketë pësuar lëkura, të ndjeni menjëherë një fresk lehtësues… A nuk është fantastike? Do të më besoni kur ta provoni. Dhe një tip nga ana ime, të dy kremrat mbajini në frigorifer, freskia që do të përfitomi do jetë e një niveli tjetër! Kujdesi për flokët Rrezet e forta të diellit dhe uji i kripur, nuk do të përcellojnë vetëm lëkurën, por edhe flokun, apo jo? Flokët ashpërsohen, dëmtohen, digjen dhe humbin gjithë shkëlqimin që jemi munduar gjatë vitit t’i trajtojmë. Sugjerimi im? Linja AROMATICA Quinoa Line, e përbërë nga shampoo, mask trajtuese, dhe spray! Shampoo, do t’ju ofrojë hidratim të thellë të flokut tuaj, duke i lënë ata të butë, ndërsa falë kremit hidratues do i ndjeni më elastikë se kurrë! Gjithashtu ampula në formë spray, është shumë komode në aplikim, dhe i mbron flokët deri në 5 shtresa, duke ju ofruar atyre shkëlqim natyral (jo vetëm nga rrezet e diellit :D), por edhe nga ajo pjastra dhe masha aq e dashur për ne gocat! E gjithë linja përmban përbërës rezistentë ndaj nxehtësisë së tyre, por edhe duke i mbrojtur flokët nga rrezet e dëmshme UV. Përkujdesja ndaj këmbëve Këmbët janë të vetmet pjesë e trupit, të cilat nuk ekspozohen ndaj rrezeve të diellit për më shumë se 6 muaj të vitit. Rëra e plazhit, është një eksfoliues shumë i mirë, ndaj shfrytëzojeni këtë moment. Por, nuk do të ishte keq dhe një trajtim special apo jo? Falë TONYMOLY Shine Foot Super Peeling Liquid, këmbët tuaja do të ndihen super të buta, të freskëta dhe me plot shkëlqim. Do të largoni të gjitha qelizat e vdekura, prandaj e sugjerojmë para fillimit të plazhit, apo pasi të jeni kthyer nga pushimet tuaja. Tashmë trajtimin pedikyr, do ta bëni në shtëpi dhe shumë lehtësisht! Hidratimi i buzëve Nuk e di nëse vuaj vetëm unë nga plasaritja e buzëve gjatë verës, por nëse ju ndodh edhe ju, arsyeja është se lëkura e buzëve është shumë delikate, dhe e ndjeshme, e sidomos në plazh. Uji i kripur, rrezet e diellit, era që fryn, ndikojnë në tharjen e tyre. Cila do të ishte zgjidhja e duhur? Ju flet, ekspertja… Përdorimi i një zbutësi hidratues, po përdorimi, kudo në çdo moment, pasi të pini ujë, pasi të hani, pasi thjesht të jeni duke ndenjur, mbajeni në dorë dhe mos e ndani! Gjatë kohës që jeni duke shijuar rrezet e diellit, shumë praktik është BENTON Honest Lip Balm, sepse nuk është e nevojshme ta përdorni me duar. Ndërsa një maskë ideale të cilën mund ta përdorni gjatë natës, është maska e madhërishme: LANEIGE Lip Sleeping Mask! Një gjë është e sigurt, kjo maskë është perfekte gjatë verës për efektin “no makeup” makeup look, sepse i bën të duken shumë të plota dhe i konturon ato! Hidratimi i vazhdueshëm i lëkurës Ndonjëherë kombinimi, i detit me rërën dhe erën që fryn, sjell dhe tharje të lëkurës, ose ngrirje të saj. Përdorimi i kremërave hidratues të cilët duhet t’i aplikojmë me dorë, shpeshherë bëhet e bezdisur. Zgjidhja: spray-t hidratues, të cilët përveçse praktik, ofrojnë hidratim dhe freski në lëkurë. NEOGEN H2 Dermadeca Serum Spray është serum hidratues në formë spray për fytyrën. Një opsion tjetër janë spray-t nga marka KEEP COOL, me ngjyra të ndryshme, të cilat përmbajnë një kompleks unik ekstraktesh nga bimë tradicionale aziatike që ulin temperaturën dhe japin efekt freskues për lëkurën. KEEP COOL Ocean Fixence Mist përmban “polyquaternium-51”, një përbërës që ka dyfishin e efektit hidratues të acidit hialuronik. KEEP COOL Shine Fixence Mist, përmban ekstrakt perlash që ndihmon në ngadalësimin e shenjave të moshës dhe rigjeneron qelizat e reja. Ka edhe efekt shkëlqyes në fund! KEEP COOL Soothe Fixence Mist përmban ekstrakt nga bima e Centella Asiatica-s, allantoin dhe ekstakt nga bima e Aloe Vera, për skuadrën e njerëzve si unë, me lëkurë perjetësisht sensitive! (Me detin shkon më shumë spray blu, nëse kombinimin në plazh doni ta çoni në një tjetër nivel :P) Përdorimi i sheet mask E fundit, por jo për nga rëndësia… Shpikja e shekullit: Sheet mask! Koreanët janë inovatorë, dhe shquhen për maskat “sheet mask”, për formulimin e tyre, tek të cilat, të them të drejtën gjejmë zgjidhje për shumë problematika. Disa maska nga maskat që do marrë me vete, në pushimet e mia, po jua listoj si më poshtë: KLAIRS Midnight Blue Calming Sheet Mask, do të qetësojë lëkurën falë ekstraktit të bimës Centella Asiatica dhe ekstraktit të Willow Bark (lëvorja e pemës së shelgut), por gjithashtu do t’ia ulë temperaturën vatrave të nxehta, të përcëlluara nga dielli. BENTON Aloe Soothing Mask: E thotë vetë autori… ALOE VERA! KLAIRS Rich Moist Soothing Tencel Sheet Mask: Esenca e kësaj maske ka veti qetësuese dhe forcon barrierën e lëkurës së dëmtuar, për ju me lëkurë të thatë! DR. JART+ Cicapair™ Tiger Grass Calming Mask: Kjo mrekulli sapo ka mbërritur në KORAL SECETS, dhe vajzat e stafit u tërbuan! Përmban sigurisht centella asiatica dhe t’ju tregoj një fakt interesant. Kjo bimë quhet ndryshe Tiger Grass (bari i tigrit), sepse tigrat mendoj ata aziatik, shumë të zgjuar, kur plagosen shtrihen dhe fërkohen pikërisht në shkurret me centella asiatica! Një tjetër variant, nëse ndodh ndonjë surprizë dhe keni shpërthim aknesh, mbajeni me vete: BENTON Goodbye Redness Centella Mask! E di që më duhet ta mbyll, se po vazhdova kështu do t’ju sugjeroj 250 produktet e koleksionit tonë, ndoshta kemi edhe më shumë se na ka humbur numërimi tashmë. Këshilla e fundit, kaloni pushime sa më të bukura dhe shijoni çdo moment, sepse do të na nevojiten 365 ditë të tjera për t’i shijuar sërish ato! Unë në pushimet e mia, do të vazhdoj të flas, komunikoj, dhe ndaj sugjerime me ju të gjithë! Pra, pushime sa më të mbarë dhe produktet e KORAL SECRETS në çantë me vete! P.s Nuk jam kaq e mirë në shkrim, por falenderoj redaktoren, atë që gjithmonë më këshillon, dhe më udhëzon Yvanën. Përqafime, Fabiola.

.heading-template--18772314194177__related_blog_posts_XFFFah { } .dark .heading-template--18772314194177__related_blog_posts_XFFFah { --color-highlight: #ffffff; } Related blog posts

Related blog posts