Kombinime me sekrecionin e kërmillit

ANUA Niacinamide 10%+TXA 4% Dark Spot Correcting Serum

2,500.00 ALL

Nëse hiperpigmentimi dhe shenjat e akneve janë kthyer në shqetësimin tuaj më të madh, atëherë ANUA Niacinamide 10% + TXA 4% Dark Spot Correcting Serum është zgjedhja ideale për ju. Ky serum i avancuar është formuluar me 10% niacinamide, një formë e fuqishme e vitaminës B3, e cila ndihmon në ndërtimin e proteinave të lëkurës dhe forcimin e barrierës mbrojtëse të saj. Niacinamidet janë të njohura si edhe për aftësinë e tyre në tkurrjen e poreve, trajtimin e hiperpigmentimit post-akne dhe nxitjen e prodhimit të kolagjenit, duke krijuar një shtresë lipidike që ruan lagështinë e lëkurës dhe përmirëson elasticitetin e saj. Por, nuk mbaron me kaq! Serumi gjithashtu përmban 4% TXA dhe 2% arbutin, një kombinim i fuqishëm për trajtimin e akneve të inflamuara dhe cicatriceve. Gjithashtu, kjo trini e fuqishme përbërësish redukton mbiprodhimin e melaninës, duke zbehur njollat kafe dhe shenjat e moshës, si dhe ndihmon në kontrollin e sebumit të tepërt, i cili shpesh shkakton pika të bardha apo dhjamore në lëkurë. Ky serum është i përshtatshëm për të gjitha tipet e lëkurës, madje edhe për atë më sensitive, duke siguruar një trajtim të plotë dhe efektiv për një lëkurë më të shëndetshme dhe plot shkëlqim.

Formula e tij është e testuar dermatologjikisht dhe nuk përmban përbërës të dëmshëm, si: alkool, konservues artificial, ngjyrues artificial, paraben, vaj mineral dhe është e patestuar në kafshë.

*30ml

Përdorimi

Përdoreni pas tonerit apo esencës. Merrni një sasi të konsiderueshme në duar dhe shpërhapeni atë në fytyrë, qafë dhe dekolte, derisa lëkura ta ketë përthithur tërësisht. Vazhdoni më tej me hapat e tjerë të rutinës suaj.

Përbërësit

Përbërësit "magjik"

Niainamide 10%, TXA 4%, 2% arbutin

Lista e plotë e përbërësve

Water, Glycerin, Niacinamide, Tranexamic Acid, Butylene Glycol, Diethoxyethyl Succinate, 1,2-Hexanediol, Arbutin, Sodium Hyaluronate, Alpha-Arbutin, Coccinia Indica Fruit Extract, Eclipta Prostrata Extract, Macadamia Integrifolia Seed Oil, Olea Europaea (Olive) Fruit Oil, Simmondsia Chinensis (Jojoba) Seed Oil, Vitis Vinifera (Grape) Seed Oil, Theobroma Cacao (Cocoa) Extract, Hydrolyzed Hyaluronic Acid, Chamaecyparis Obtusa Leaf Extract, Prunus Persica (Peach) Flower Extract, Camellia Sinensis Seed Oil, Yeast Ferment Extract, Centella Asiatica Extract, Artemisia Princeps Leaf Extract, Candida Bombicola/Glucose/Methyl Rapeseedate Ferment, Hyaluronic Acid, Pentylene Glycol, Betaine Salicylate, Sucrose Palmitate, Hydrogenated Lecithin, Gellan Gum, Sodium Phytate, Cellulose, Caprylic/Capric Triglyceride, Panthenol, Cyanocobalamin, Polyglutamic Acid, 3-O-Ethyl Ascorbic Acid, Ceramide NP, Dextrin, Asiaticoside, Madecassic Acid, Asiatic Acid, Dimethylsilanol Hyaluronate, Hydrolyzed Sodium Hyaluronate, Potassium Hyaluronate, Hydroxypropyltrimonium Hyaluronate, Sodium Hyaluronate Crosspolymer, Sodium Hyaluronate Dimethylsilanol, Sodium Acetylated Hyaluronate, Xanthan Gum

Marka

Anua beson se lëkura e shëndetshme nuk varet vetëm nga produktet e kujdesit të lëkurës, por edhe nga të kesh një mendje të relaksuar dhe një mënyrë jetese të rregulluar. Marka fokusohet në zgjedhjen e përbërësve të pastër, organikë për të maksimizuar efektivitetin dhe për të minimizuar efektet e dëmshme në lëkurë. Produktet e saj miqësore me mjedisin dhe të qëndrueshme janë 100% të prodhuara në Kore dhe të dizajnuara me paketim të thjeshtë. Më të shiturit përfshijnë Toner qetësues Heartleaf 77%, Ampulë qetësuese Heartleaf 80% dhe krem dielli të butë 5-Zero.

NEOGEN DERMALOGY Cica Repair Snail Essence

~~3,500.00 ALL~~ 2,000.00 ALL

Një nga përbërësit më të përdorur dhe të shpikur në K-Beauty është sekrecioni i filtruar nga kërmilli. Kjo për vetë faktin që ofron benefite të mrekullshme, si: nxitja e prodhimit të koalgjenit, riparimi i shenjave dhe plagëve në lëkurë. Mendoni se e keni të nevojshëm një produkt të tillë në rutinën tuaj? Nuk duhet të humbisni mundësinë për të patur linjën e re Cica Repair Snail Line të prodhuar nga marka inovative NEOGEN. Esenca e linjës ka efekt të fuqishëm hidratues për t'a bllokuar atë në lëkurë, dhe ajo të ketë një pamje më elastike dhe më rinore. Përmban 96% sekrecion kërmilli të koncentruar dhe complex AC-Cica Pure Complex, ekstrakte nga frutat e pyllit (multi-berry fruit), 10 lloje shegë dhe hibisgus dhe acid hialuronik për të rigjeneruar lëkurën e dëmtuar, dhe për t'i ofruar një pamje plot shëndet. Përbërja e saj nuk ka efekt ngjitës dhe përthithet menjëherë nga lëkura. Përshtatet me të gjitha tipet e lëkurës, sidomos me atë sensitive dhe të dëmtuar.

Formula e saj është vegane dhe nuk përmban përbërës të dëmshëm, si: alkool, paraben, silikon, sulfate, vajra artificial dhe fragrancë artificiale.

*100ml

Përdorimi

Pasi të keni pastruar lëkurën me larësin e rutinës suaj, dhe e keni përgatitur me tonerin, merrni një sasi të konsiderueshme të esencës dhe shpërhapeni atë në fytyrë dhe në qafë, derisa lëkura ta ketë përthithur tërësisht. Vazhdoni më tej me hapat e tjerë të rutinës suaj. Këshillohet të përdoret në mëngjes dhe mbrëmje.

Përbërësit

Përbërësit "magjik"

96% sekrecion kërmilli, AC-Cica Pure Complex, ekstrakte nga frutat e pyllit (multi-berry fruit), 10 lloje shegë & hibisgus, acid hialuronik

Lista e plotë e përbërësve

Snail Secretion Filtrate(96%), 1,2-Hexanediol, Betaine, Sodium Polyacrylate, Carbomer, Arginine, Octyldodeceth-16, Pyrus Communis (Pear) Fruit Extract,Rosa Damascena Flower Water, Hedera Helix (Ivy) Leaf/Stem Extract, Fragaria Chiloensis (Strawberry) Fruit Extract, Pimpinella Anisum (Anise) Fruit Extract,Water, Butyl Avocadate, Glycerin, Butylene Glycol, Asiaticoside, Madecassic Acid, Asiatic Acid, Centella Asiatica Extract, Vaccinium Macrocarpon (Cranberry)Fruit Extract, Rubus Idaeus (Raspberry) Fruit Extract, Vaccinium Angustifolium (Blueberry) Fruit Extract, Cornus Officinalis Fruit Extract, Euterpe Oleracea FruitExtract, Sambucus Nigra Fruit Extract, Schizandra Chinensis Fruit Extract, Panax Ginseng Berry Extract, Vaccinium Myrtillus Fruit Extract, Epilobium FleischeriExtract, Punica Granatum Fruit Extract, Citric Acid, Potassium Sorbate, Hydrolyzed Hyaluronic Acid, Ethylhexylglycerin, Hibiscus Sabdariffa Flower Extract,Propyl Gallate, Madecassoside

Marka

NEOGEN u krijua në vitin 2009 nga kompania Outin Futures nën sloganin “We create reason and value”, që do të thotë “Ne krijojmë arsye dhe vlerë”. Arsyeja, misioni dhe filozofia në krijimin e çdo produkti është qëllimi për të përcjellë përfitimet vërtet të nevojshme për lëkurën. Laboratorët e NEOGEN-it nëpërmjet kërkimeve shkencore, për të maksimizuar përfitimet nga përbërësit natyralë, kanë shpikur 6 teknologji unike dhe sot zotërojnë më shumë se 50 patenta të certifikuara. Falë formulimeve miqësore me lëkurën, NEOGEN ofron produkte që i përgjigjen çdo nevoje dhe problematike të saj.

NEOGEN DERMALOGY Real Hyal Panthenol Serum

3,800.00 ALL

Serumi Neogen Dermalogy Real Hyal Panthenol është një "bombë" hidratuese, e krijuar për të ushqyer thellësisht lëkurën me 5% D-Panthenol, 10 lloje vitaminash dhe 8 lloje të acidit hialuronik! Po çfarë është D-Panthenol? Është një substancë kimike që është një kombinim i vitaminës B5 të tretshme në ujë dhe acidit hialuronik. Këta përbërës dihet se depërtojnë thellë në epidermën e lëkurës, duke hidratuar jo vetëm barrierën e lëkurës, por edhe shtresat brenda saj. Serumi Real Hyal Panthenol i Neogen Dermalogy me plot gojë mund të themi që është një zgjidhje revolucionarer për të rigjallëruar dhe ushqyer thellësisht lëkurën. Në thelb të serumit është derivati i vitaminës B5, Panthenolit, i cili nxit vitalitetin dhe rigjallërimin. Përveç kësaj, Acidi Hyaluronic, i njohur për vetitë e tij hidratuese, punon në harmoni me Panthenol për të dhënë një rritje të lagështisë, duke e lënë lëkurën të shëndetshme, të butë dhe të hidratuar thellësisht! I përshtatshëm për të luftuar aknet, plakjen, lëkurën e thatë & të ndjeshme!

*30ml

Përdorimi

Pasi të keni pastruar lëkurën me larësin e rutinës suaj, dhe e keni pergatitur me tonerin, mund ta përdorni në vend të esencës ose serumit në rutinën tuaj. Merrni një sasi të konsiderueshme (1-2 sprucime) në duar dhe shpërhapeni atë në fytyrë dhe në qafë, derisa lëkura ta ketë përthithur tërësisht. Vazhdoni më tej me hapat e tjerë të rutinës suaj. Keshillohet të përdoret në mëngjes dhe mbrëmje.

Përbërësit

Përbërësit "magjik"

Panthenol, Hyaluronic Acid

Lista e plotë e përbërësve

Water, Panthenol(5%), Butylene Glycol, Propanediol, 1,2-Hexanediol, Polyglyceryl-10 Laurate, Sodium Hyaluronate(1000ppm), Carbomer, Ethylhexylglycerin,Tromethamine, Melia Azadirachta Leaf Extract, Melia Azadirachta Flower Extract, Coccinia Indica Fruit Extract, Solanum Melongena (Eggplant) Fruit Extract,Glycerin, Ocimum Sanctum Leaf Extract, Xanthan Gum, Curcuma Longa (Turmeric) Root Extract, Corallina Officinalis Extract, Caprylyl Glycol, HydrogenatedLecithin, Sodium Ascorbyl Phosphate, Glucose, Niacinamide, Chondrus Crispus Extract, Hydroxypropyltrimonium Hyaluronate(20ppb), Biotin, Pyridoxine,Folic Acid, Hydrolyzed Hyaluronic Acid(2ppb), Sodium Acetylated Hyaluronate(2ppb), Cyanocobalamin, Tocopherol, Hyaluronic Acid(0.5ppb), SodiumHyaluronate Crosspolymer(0.2ppb), Hydrolyzed Sodium Hyaluronate(0.2ppb), Riboflavin, Thiamine HCl, Linoleic Acid, Potassium Hyaluronate(0.1ppb), Beta-Carotene

Marka

NUMBUZIN No.5+ Vitamin Concentrated Serum

~~2,800.00 ALL~~ 1,600.00 ALL

NUMBUZIN No.5+ Vitamin Concentrated Serum është një formulë inovative e cila kombinon fuqinë e 5% vitaminës C të pastër me përbërës të tjerë të fuqishëm për të siguruar një trajtim intensiv ndaj shenjave të akneve, hiperpigmentimit, shenjave të moshës dhe lëkurës së dehidratuar. Vitamina C është një antioksidant i njohur për mbrojtjen e lëkurës nga radikalet e lira, duke ndihmuar në parandalimin e dëmtimeve të shkaktuara nga faktorët e jashtëm dhe duke ndihmuar në ndriçimin e tonit të lëkurës. Për më tepër, vitamina C nxit sintezën e kolagjenit, një komponent thelbësor për elasticitetin dhe forcimin e lëkurës, duke minimizuar dukshmërinë e vijave të imëta dhe rrudhave. Kombinimi me Glutathion, një tjetër antioksidant i fuqishëm, përforcon veprimin e serumit duke ndihmuar në zbehjen e njollave kafe dhe duke rritur vitalitetin e lëkurës, për t'i dhënë një shkëlqim të shëndetshëm. Formula e këtij serumi është krijuar për të qenë e lehtë në teksturë, duke u absorbuar shpejt në lëkurë pa lënë ndjesi të yndyrshme, duke e bërë atë të përshtatshme për përdorim të përditshëm në çdo rutinë të kujdesit të lëkurës. Ky serum përshtatet me të gjithë tipet e lëkurës.

Formula e tij është vegane, e testuar dermatologjikisht dhe nuk përmban përbërës të dëmshëm dhe irritues për lëkurën, si: alkool, fragrancë artificiale, paraben, vajra esencial.

*30ml

Përdorimi

Përbërësit

Përbërësit "magjik"

5% vitaminë C, Glutathion

Lista e plotë e përbërësve

Vaccinium Vitis-Idaea Fruit Extract, Butylene Glycol, Niacinamide, Panthenol, Tranexamic Acid, Water, 1,2-Hexanediol, Neopentyl Glycol Dicaprate, Caprylic/Capric Triglyceride, Sorbitol, Bifida Ferment Lysate, Chondrus Crispus Extract, Butyrospermum Parkii (Shea) Butter, Saccharum Officinarum (Sugarcane) Extract, Alpha-Arbutin, Sodium Hyaluronate, Melia Azadirachta Flower Extract, Ocimum Sanctum Leaf Extract, Melia Azadirachta Leaf Extract, Curcuma Longa (TurmericJRoot Extract, Corallina Officinalis Extract, Tremella Fuciformis (Mushroom) Extract, Pentylene Glycol, Glycerin, 3-0-Ethyl Ascorbic Acid, Bisabolol, Tromethamine, Ethylhexylglycerin, Adenosine, Hydrogenated Lecithin, Allantoin, Glutathione, Ceramide NP, Beta-Glucan, Dipotassium Glycyrrhizate, Tocopherol, Ascorbic Acid, Ascorbyl Glucoside, Tocopheryl Acetate, Hydroxypropyl Cyclodextrin, Ubiquinone, Thioctic Acid, Potassium Hydroxide, Behenyl Alcohol, Carbomer, Xanthan Gum, Disodium EDTA

Marka

Numbuzin është një markë koreane e njohur për përqendrimin e saj në krijimin e produkteve të personalizuara të kujdesit të lëkurës, bazuar në nevojat specifike të lëkurës së çdo individi. Emri "numbuzin" vjen nga ideja e numërimit të produkteve, ku secili produkt përfaqëson një numër dhe zgjidhet në varësi të llojit të lëkurës dhe problematikës që përdoruesi dëshiron të trajtojë.

Kjo markë është bërë e njohur për produktet e saj të serumit dhe esencave që janë shumë të vlerësuara në komunitetin e kujdesit të lëkurës, veçanërisht për përbërësit cilësorë dhe efektivitetin e tyre. Numbuzin fokusohet në formulime që japin rezultate të shpejta dhe janë të thjeshta për t'u përdorur, duke ofruar një përvojë praktike dhe efektive për përdoruesit.

Produktet e tyre përfshijnë serume, tonikë, kremra hidratues dhe esenca, të cilat përmbajnë përbërës të njohur për efektet e tyre të dobishme, si niacinamide, qeliza staminale, acid hialuronik dhe ekstrakte bimore të përzgjedhura. Ata synojnë të ofrojnë zgjidhje për një gamë të gjerë të problemeve të lëkurës, përfshirë hiperpigmentimin, teksturën e pabarabartë të lëkurës, dhe lëkurën e dehidratuar.

Related blog posts

PRODUKTET NEOGEN QË DUHET PATJETËR TË KENI NË RUTINËN TUAJ

by Fabiola Mulaj on Oct 06, 2021

Ekzistojnë aq shumë produkte në përgjithësi në treg dhe veçanërisht në KORAL SECRETS, sa jemi të bindur që ju kemi bërë konfuz se cilat mund të jeni të duhurat për ju… Por, personalisht ndjej aq shumë ngazëllim kur shtohen produkte të reja, dhe më nxitet kurioziteti për t’i provuar. Po, cila markë po bëhet nga më të preferuarat tuaja? Sigurisht, Gjigandi NEOGEN! Këto ditë festojmë përvjetorin e 21-të themelimit të saj dhe ne festa të tilla i festojmë sigurisht me PROMOCIONE! Pse është kaq e dashur NEOGEN nga të gjithë? Kjo nuk na çudit për vetë faktin se laboratorët e saj, kanë shpikur 6 teknologji unike dhe sot zotërojnë më shumë se 50 patenta të certifikuara. Por, që të mos e teprojë me dashurinë time për Neogenin, dua të konkludoj me vetëm disa produkte që mendoj se janë “must” për lëkurën dhe duhet t’i provoni patjetër! NEOGEN Dermalogy Real Vita C Serum Padiskutim BESTSELLER në KORALS SECRETS! Bestseller im! Serumi përmban vitaminë C, një nga përbërësit shumë të preferuar dhe të gjendur në produktet koreane, sepse është një nga antioksidantët më të fuqishëm dhe u adresohet shumë problematikave të lëkurës. Stina e vjeshtës dhe dimrit, janë stinët më perfekte për të përfituar benefitet e vitaminës C. Çfarë ofron ky serum? Padiskutim rigjenerim dhe personalisht më ka ndihmuar me zbehjen e njollave të krijuara nga aknet. Por, ndihmon edhe me zbehjen e njollave kafe nga dielli, dhe parandalon krijimin apo formimin e rrudhave. Çfarë mund të dëshirojë më shumë se kaq lëkura ime…. dhe e juaja?! NEOGEN Dermalogy Real Ferment Micro Serum Besojmë se keni dëgjuar për përdorimin e përbërësve të fermentuar në produktet koreane? Kohët e fundit madje në mjekësi po aplikohet përdorimi i këtyre përbërësve për të pasur imunitiet të forte. NEOGEN Dermalogy Real Ferment Micro Serum, është në trajtë kremi (jam e sigurt se nuk keni përdorur më parë një të tillë) dhe përmban: 61% përbërës të fermentuar të cilët rrisin elasticitetin e lëkurës! Fermenti i filtruar nga orizi, balancon prodhimin e yndyrës & ndihmon në zbehjen e njollave kafe. Ka ardhur momenti t’i ofroni lëkurës fuqinë e përbërësve të fermentuar natyral dhe do të më kujtoni për këtë! NEOGEN Green Tea Real Fresh Foam Cleanser Një tjetër bestseller i NEOGEN! Një larës i fuqishëm për ta pastruar lëkurën nga përdorimi i produkteve që aplikojmë mbi të, por edhe nga faktorë të jashtëm siç janë smogu apo pluhurat. Por, gjithashtu ofron një qetësim dhe hidratim lëkurës, falë përmbajtjes me 100% çaj jeshil të fermentuar. Formula e tij speciale hipoalergjike e bën kaq te adhurueshëm nga personat me lëkurë të yndyrshme, mikse apo me tendencë akneike. Provojeni patjetër… Edhe pse jam e sigurt se e keni provuar! NEOGEN H2 Dermadeca Serum Spray Dëshironi që t’a ndjeni gjithmonë të freskët në çdo moment të ditës dhe kudo që të ndodheni? Ky serum në formë spray ka me të vërtetë një super formulim! Jo më kot e them këtë pasi përmban, përbërësit “magjik”: niacinamide & vitaminë C! Një spray që ndihmon në zbehjen e njollave kafe në lëkurë, nuk është një produkt kaq i zakonshëm. Por, jo vetëm kaq… Ai përmban kolagjen për të na mbajtur lëkurën sa më të tendosur dhe pa rrudha! Dhe lista vazhdon… Përmbajtja me ekstrakt të bimës centella asiatica, qetëson, hidraton dhe freskon maksimalisht lëkurën dhe mbi të gjitha forcon barrierën mbrojtëse të saj! NEOGEN Dermalogy Calming Cicatree Pad Nëse lëkura juaj është sensitive dhe asnjëherë nuk e keni marrë guximin të përdorni një eksfoliues, me shumë bindje ju rekomandoj NEOGEN Dermalogy Calming Cicatree Pad. Sapo e kemi futur në koleksion, dhe kush e testojë marrjen e këtij produkti? Unë dhe lëkura ime sensitive! Përbërja e këtij produkti është po aq e veçantë sa çdo produkt tjetër i NEOGEN. Esenca e këtyre tamponave përmban 8 lloje acid hialuronik, 5 lloje keramidesh për t'a mbajtur të hidratuar lëkurën dhe gjithashtu e gjithë formula e saj ndihmon në reduktimin e skuqjes dhe nxitjes së prodhimit të kolagjenit. Përbërësi tjetër kryesor është ekstrakti nga gjethja e pemës së çajit, medikamenti numër 1 që kuron intensivisht aknet, dhe qetëson inflamacionin në lëkurë. Siç thotë edhe Christina Aguilera: “A genie in a bottle”! NEOGEN Collagen Lifting Cream NEOGEN Collagen Lifting Cream jo bestseller, por produkti që del më shpesh out of stock! Ka një konsistence aq të butë falë përmbajtjes me kolagjen & kolagjen të hidrolizuar sa që do ta ndjeni lëkurën plotësisht të hidratuar dhe të çlodhur! Mbajini larg shenjat e moshës falë dhe kushdo prej jush që shikon se po I shfaqen në lëkurë vijat e holla dhe rrudhat të mos hezitojë aspak përdorimin e tij! Këto nuk janë produkte që vetëm unë përdor dhe i sugjeroj plotësisht, por janë janë pëlqyer dhe kthyer në bestseller për një kohë rekord në KORAL SECRETS! E ku më mirë, se t’i përfitoni edhe për pak kohë në Promocionin deri -40% ulje, me rastin e përvjetorit të themelimit! Rasti më i mirë për t’i bërë tuajat me një çmim shumë të leverdisshëm! Përqafime, Fabiola!

SI TË KUJDESEMI PËR FLOKËT GJATË VERËS?

by Yvana Zike on Aug 06, 2021

Vitet e fundit është rritur ndërgjegjësimi se rrezet UVA/UVB të diellit e dëmtojnë dhe rrezikojnë shumë shëndetin e lëkurës, por gjithashtu duhet të jemi të vetëdijshëm edhe për dëmtimin që i shkaktojnë flokëve! E kur ato i kemi të lyer, apo të dekoloruar mundësia e dëmtimit të tyre gjatë pushimeve verore në plazh është shumë e lartë! Ashtu si lëkura, edhe boshti i flokëve që del nga skalpi i kokës, ka një shtresë të jashtme mbrojtëse të quajtur kutikula e flokëve. Kjo e fundit është e përbërë nga qeliza të vdekura, pa pigment, që shtresëzohen së bashku dhe mbivendosen për të mbrojtur boshtin e flokëve nga rrezet UV dhe nga dëmtimi që mund të shkaktojnë radikalet e lira. Qëndrimi i gjatë jashtë në ditë të nxehta mund t’i dëmtojnë kutikulat e flokëve, duke e shkatërruar lidhjen e qelizave që i përbëjnë ato, dhe lejojnë depërtimin e rrezeve UV në brendësinë e skalpit. Si pasojë e këtij dëmtimi, flokët do të humbin hidratimin e duhur, gjallërinë dhe pigmentin e nevojshëm! E kush e dëshiron këtë gjë, vajza? ASKUSH! Le të përpiqemi të parandalojmë dëmtimin e tyre, sepse e kemi thënë shpesh që parandalimi është rruga e duhur dhe më e lehtë se sa ta trajtojmë flokun pasi është bërë dëmi.. Më poshtë, do t’ju shkruaj disa mënyra efikase për të “shpëtuar” flokët tuaj këtë verë: • Mbroni flokët nga rrezet UV E di, që është e vështirë të gjendet një krem SPF, që të mund të përdoret në skalpin apo në gjatësinë e flokëve, por unë kam gjetur një mënyrë sesi t’i mbroj ato pa e yndyrosur më shumë flokun tim të yndyrshëm, dhe do jua zbuloj edhe juve tani (nuk është se kam bërë ndonjë shpikje): Mbrojtësi me SPF në formë pudre, dhe cili është ky? MAXCLINIC Catrin Natural 100 Sunkill RX SPF46 PA+++! Këtë produkt e aplikoj sidomos në skalp dhe në rrënjën e flokut. Ndërsa për gjatësinë e flokut tim të lyer bjond (rrënjën e flokut nuk e lyej asnjëherë me bojë), përdor një spray që është pëlqyer edhe nga ju, e linjës vegane me quinoa : AROMATICA Quinoa Protein Hair Ampoule! Nuk e rëndon flokun as rrënjën e tij madje ka përqëndrim aq të lartë përbërësish sa përveçse i mbron flokët nga dielli, i hidraton dhe i ushqen me proteina, duke i mbrojtur kutikulat e tij deri në 5 shtresa! • Mbani gjithmonë një kapele kashtë (sa me të madhe!) Duket si cliché, kur dëgjojmë se mbajtja e kapeles gjatë verës është shumë e rëndësishme, por përveçse mbron fytyrën dhe qafën nga rrezet UV, arrin të jetë një strehë mbrojtëse edhe për flokët! Thjesht, vendoseni kapelen përpara se të dilni, dhe përveçse do të ngjani shumë “fancy”, do të arrini njëkohësisht të mbroni si fytyrën ashtu edhe skalpin e flokët! • Përdorni vajra flokësh me përbërje shumë ushqyese Dermatologët vitet e fundit sugjerojnë përdorimin e përbërësve antioksidues në kombinim me SPF-në! E themi shpesh se përdorimi në fytyrë i një esence/ serumi me vitaminë C ose E, përpara aplikimit të mbrojtësit SPF, do të rrisë fuqinë mbrojtëse të filtrave të këtij të fundit, dhe do të pakësoi efektet e dëmshme të rrezeve UV. E njëjta logjikë duhet ndjekur edhe për kujdesin dhe mbrojtjen e flokëve. Duke përdorur vajra ushqyes me veti antioksiduese, do të arrijmë të parandalojmë tharjen, mungesën e shkëlqimit, apo zbehjes së ngjyrës së flokëve! Vitamina E, acidet yndyrore omega 6 dhe acidi linolenik, që përmban esenca e flokëve me vaj argani: NATURE REPUBLIC Argan Essential Deep Care Essence, do t’i ofrojnë flokut butësi, forcim dhe shumë elasticitet! Personalisht këtë vaj-esencë e përdor në disa mënyra, pasi kam larë flokët dhe i thaj me tharëse, dhe njësoj siç aplikoj në fytyrë serumin antioksidues përpara kremit SPF, e aplikoj edhe këtë vaj në flokë përpara se të vendos mbrojtësin me SPF për flokët! Këto janë disa këshilla nga unë për ta mbajtur flokun plot jetë gjatë verës dhe gjithë vitit… Do të më pëlqente të dija edhe se si ju kujdeseni për flokët tuaja, dhe nëse keni dëshirë mund të na lini më poshtë sugjerimet tuaja! Përqafime dhe pushime të mbara kudo që të jeni duke i kaluar, Yvana

CILAT PRODUKTE NEVOJITEN GJATË PUSHIMEVE VERORE?

by Fabiola Mulaj on Jul 09, 2021

Përshëndetje të gjithëve! Unë jam Fabiola, pjesë e stafit KORAL SECRETS! Së bashku kemi komunikuar vazhdimisht në rrjete sociale, në biseda telefonike, për sugjerime, apo problematika të ndryshme… Por tashmë kam vendosur të vijë më pranë jush me anë të një blogu, tema e së cilit mendoj se është e vlefshme për secilën/in prej nesh! “Produkte që nevojiten gjatë pushimeve verore”! Të gjithë i konsiderojmë pushimet verore si koha më e bukur dhe nga to lindin edhe kujtimet më të bukura! Pushimet i shijojmë në shoqërinë e miqve dhe familjarëve. Krahas kënaqësisë dhe relaksimit që ne përfitojmë, është shumë e rëndësishme përkujdesja e lëkurës, apo jo? Jo vetëm gjatë pushimeve, sigurisht, por duke ndërruar ambient dhe klimë, nga ajo e zakonshmja, lëkura jo gjithmonë e mirëpret këtë ndryshim, prandaj duhet të jemi gjithmonë të përgatitur! Ndaj dhe kam vendosur të ndaj me ju disa produkte të domosdoshme, që unë i mbaj gjithmonë me vete, gjatë pushimeve të mia, që në verë janë në shumicën e rasteve në plazh… Mbrojtja ndaj rrezeve të dëmshme të diellit E theksojmë gjithmonë në bisedat me ju, sa i domosdoshëm është aplikimi dhe riaplikimi i SPF-së! Prandaj një nga produktet më të rëndësishme, që duhet të keni në arsenalin tuaj në valixhen e pushimeve, është një krem mbrojtës ndaj rrezeve të forta të diellit. Qëndrimi gjatë nën rrezet e diellit, mund të sjellë një sërë problematikash në lëkurë, por dy më kryesoret janë: shenja të moshës dhe hiperpigmentim! Të dyja shumë të panevojshme, apo jo? Aplikoni dhe RIAPLIKONI, një sasi të konsiderueshme të kremit SPF, për t’u siguruar që lëkura juaj të jetë maksmalisht e mbrojtur. Një SPF me spektër të lartë mbrojtjeje, dhe njëkohësisht shumë komod është: BENTON Mineral Sun Stick! Është në formë stick-u, çka e bën shumë të lehtë riaplikimin e tij gjatë gjithë ditës, në plazh apo në qytet... Gjithashtu një variant tjetër në varësi të tipit të lëkurës që keni, është SPF nga marka TOUN28, rezistente ndaj ujit dhe djersitjes, i formuluar me filtra organik të certifikuar, çka e bën të përshtatshëm për personat me lëkurë shumë sensitive dhe madje për gjithë familjen, i sigurt për fëmijët nga mosha 1 vjeç. Pra, ju heq bezdinë e mbajtjes me vete të qind SPF-ve për secilin pjesëtar. Për lëkurën e thatë është varianti: TOUN28 B1 Sun Screen UV+HEV Defense Organic & Non-Nano SPF 50+ PA++++ ndërsa për lëkurën e yndyrshme & mikse: TOUN28 B2 Sun Screen UV+HEV Defense Organic & Non-Nano SPF 50+ PA++++! Kujdesi pas plazhit (After sun) Ndonjëherë kujdesi i lëkurës pas një dite të zhytur në rrezet e forta të diellit, merr shumë pak vëmëndje, por është rutina më e rëndësishme për një lëkurë pa probleme post-plazh! Trajtimi pas diellit është thelbësor për të parandaluar dëmin e shkaktuar menjëherë pas ekspozimit ndaj tij, dhe dëmin e shkaktuar në afatgjatë. Si fillim do t’ju sugjeronim një dush të freskët, për të ndihmuar në qetësimin e lëkurës, dhe në përgatitjen e saj për hapat e rradhës. Ju sugjeroj një locion ushqyes dhe freskues. Një krem fantastik hidratues, trajtues, qetësues dhe after-sun është KLAIRS Midnight Blue Calming Cream për fytyrën, ndërsa për trupin, por që përdoret normalisht edhe për fytyrën, SOME BY MI AHA, BHA, PHA Real Cica 92% Cool Calming Soothing Gel. Ky xhel u adresohet shumë problematikave njëherësh, si: thatësisë së lëkurës, shpërthimeve akneike, djegies së lëkurës nga dielli. Mendoni për një moment që pas djegies që mund të ketë pësuar lëkura, të ndjeni menjëherë një fresk lehtësues… A nuk është fantastike? Do të më besoni kur ta provoni. Dhe një tip nga ana ime, të dy kremrat mbajini në frigorifer, freskia që do të përfitomi do jetë e një niveli tjetër! Kujdesi për flokët Rrezet e forta të diellit dhe uji i kripur, nuk do të përcellojnë vetëm lëkurën, por edhe flokun, apo jo? Flokët ashpërsohen, dëmtohen, digjen dhe humbin gjithë shkëlqimin që jemi munduar gjatë vitit t’i trajtojmë. Sugjerimi im? Linja AROMATICA Quinoa Line, e përbërë nga shampoo, mask trajtuese, dhe spray! Shampoo, do t’ju ofrojë hidratim të thellë të flokut tuaj, duke i lënë ata të butë, ndërsa falë kremit hidratues do i ndjeni më elastikë se kurrë! Gjithashtu ampula në formë spray, është shumë komode në aplikim, dhe i mbron flokët deri në 5 shtresa, duke ju ofruar atyre shkëlqim natyral (jo vetëm nga rrezet e diellit :D), por edhe nga ajo pjastra dhe masha aq e dashur për ne gocat! E gjithë linja përmban përbërës rezistentë ndaj nxehtësisë së tyre, por edhe duke i mbrojtur flokët nga rrezet e dëmshme UV. Përkujdesja ndaj këmbëve Këmbët janë të vetmet pjesë e trupit, të cilat nuk ekspozohen ndaj rrezeve të diellit për më shumë se 6 muaj të vitit. Rëra e plazhit, është një eksfoliues shumë i mirë, ndaj shfrytëzojeni këtë moment. Por, nuk do të ishte keq dhe një trajtim special apo jo? Falë TONYMOLY Shine Foot Super Peeling Liquid, këmbët tuaja do të ndihen super të buta, të freskëta dhe me plot shkëlqim. Do të largoni të gjitha qelizat e vdekura, prandaj e sugjerojmë para fillimit të plazhit, apo pasi të jeni kthyer nga pushimet tuaja. Tashmë trajtimin pedikyr, do ta bëni në shtëpi dhe shumë lehtësisht! Hidratimi i buzëve Nuk e di nëse vuaj vetëm unë nga plasaritja e buzëve gjatë verës, por nëse ju ndodh edhe ju, arsyeja është se lëkura e buzëve është shumë delikate, dhe e ndjeshme, e sidomos në plazh. Uji i kripur, rrezet e diellit, era që fryn, ndikojnë në tharjen e tyre. Cila do të ishte zgjidhja e duhur? Ju flet, ekspertja… Përdorimi i një zbutësi hidratues, po përdorimi, kudo në çdo moment, pasi të pini ujë, pasi të hani, pasi thjesht të jeni duke ndenjur, mbajeni në dorë dhe mos e ndani! Gjatë kohës që jeni duke shijuar rrezet e diellit, shumë praktik është BENTON Honest Lip Balm, sepse nuk është e nevojshme ta përdorni me duar. Ndërsa një maskë ideale të cilën mund ta përdorni gjatë natës, është maska e madhërishme: LANEIGE Lip Sleeping Mask! Një gjë është e sigurt, kjo maskë është perfekte gjatë verës për efektin “no makeup” makeup look, sepse i bën të duken shumë të plota dhe i konturon ato! Hidratimi i vazhdueshëm i lëkurës Ndonjëherë kombinimi, i detit me rërën dhe erën që fryn, sjell dhe tharje të lëkurës, ose ngrirje të saj. Përdorimi i kremërave hidratues të cilët duhet t’i aplikojmë me dorë, shpeshherë bëhet e bezdisur. Zgjidhja: spray-t hidratues, të cilët përveçse praktik, ofrojnë hidratim dhe freski në lëkurë. NEOGEN H2 Dermadeca Serum Spray është serum hidratues në formë spray për fytyrën. Një opsion tjetër janë spray-t nga marka KEEP COOL, me ngjyra të ndryshme, të cilat përmbajnë një kompleks unik ekstraktesh nga bimë tradicionale aziatike që ulin temperaturën dhe japin efekt freskues për lëkurën. KEEP COOL Ocean Fixence Mist përmban “polyquaternium-51”, një përbërës që ka dyfishin e efektit hidratues të acidit hialuronik. KEEP COOL Shine Fixence Mist, përmban ekstrakt perlash që ndihmon në ngadalësimin e shenjave të moshës dhe rigjeneron qelizat e reja. Ka edhe efekt shkëlqyes në fund! KEEP COOL Soothe Fixence Mist përmban ekstrakt nga bima e Centella Asiatica-s, allantoin dhe ekstakt nga bima e Aloe Vera, për skuadrën e njerëzve si unë, me lëkurë perjetësisht sensitive! (Me detin shkon më shumë spray blu, nëse kombinimin në plazh doni ta çoni në një tjetër nivel :P) Përdorimi i sheet mask E fundit, por jo për nga rëndësia… Shpikja e shekullit: Sheet mask! Koreanët janë inovatorë, dhe shquhen për maskat “sheet mask”, për formulimin e tyre, tek të cilat, të them të drejtën gjejmë zgjidhje për shumë problematika. Disa maska nga maskat që do marrë me vete, në pushimet e mia, po jua listoj si më poshtë: KLAIRS Midnight Blue Calming Sheet Mask, do të qetësojë lëkurën falë ekstraktit të bimës Centella Asiatica dhe ekstraktit të Willow Bark (lëvorja e pemës së shelgut), por gjithashtu do t’ia ulë temperaturën vatrave të nxehta, të përcëlluara nga dielli. BENTON Aloe Soothing Mask: E thotë vetë autori… ALOE VERA! KLAIRS Rich Moist Soothing Tencel Sheet Mask: Esenca e kësaj maske ka veti qetësuese dhe forcon barrierën e lëkurës së dëmtuar, për ju me lëkurë të thatë! DR. JART+ Cicapair™ Tiger Grass Calming Mask: Kjo mrekulli sapo ka mbërritur në KORAL SECETS, dhe vajzat e stafit u tërbuan! Përmban sigurisht centella asiatica dhe t’ju tregoj një fakt interesant. Kjo bimë quhet ndryshe Tiger Grass (bari i tigrit), sepse tigrat mendoj ata aziatik, shumë të zgjuar, kur plagosen shtrihen dhe fërkohen pikërisht në shkurret me centella asiatica! Një tjetër variant, nëse ndodh ndonjë surprizë dhe keni shpërthim aknesh, mbajeni me vete: BENTON Goodbye Redness Centella Mask! E di që më duhet ta mbyll, se po vazhdova kështu do t’ju sugjeroj 250 produktet e koleksionit tonë, ndoshta kemi edhe më shumë se na ka humbur numërimi tashmë. Këshilla e fundit, kaloni pushime sa më të bukura dhe shijoni çdo moment, sepse do të na nevojiten 365 ditë të tjera për t’i shijuar sërish ato! Unë në pushimet e mia, do të vazhdoj të flas, komunikoj, dhe ndaj sugjerime me ju të gjithë! Pra, pushime sa më të mbarë dhe produktet e KORAL SECRETS në çantë me vete! P.s Nuk jam kaq e mirë në shkrim, por falenderoj redaktoren, atë që gjithmonë më këshillon, dhe më udhëzon Yvanën. Përqafime, Fabiola.

.heading-template--18772314194177__related_blog_posts_XFFFah { } .dark .heading-template--18772314194177__related_blog_posts_XFFFah { --color-highlight: #ffffff; } Related blog posts

Related blog posts