MISSHA Super Off Cleansing Oil (Blackhead Off)

Larës vajor

MISSHA Super Off Cleansing Oil (Blackhead Off) është një pastrues vajor i krijuar posaçërisht për lëkurën e yndyrshme dhe mikse, me pore të dukshme dhe pika të zeza. Falë formulës së tij, ky pastrues ndihmon në shkrirjen e grimit, përfshirë atë rezistent ndaj ujit, në heqjen e kremit mbrojtës nga dielli dhe në largimin e yndyrës së tepërt të grumbulluar në lëkurë. Formula përmban vaj të bërthamave të kajsisë, vaj të pemës së çajit dhe vaj të farave të moringës, të cilët ndihmojnë në pastrimin e thellë të lëkurës. Ekstraktet e Houttuynia Cordata dhe Centella Asiatica plotësojnë formulën me veti qetësuese për lëkurën. Në kontakt me ujin, vaji shndërrohet në një emulsion qumështor që shpëlahet lehtësisht, duke e lënë lëkurën të pastër dhe të butë.

Formula e tij është hipoalergjike, e testuar dermatologjikisht dhe nuk përmban përbërës të dëmshëm dhe irritues për lëkurën, si: alkool, paraben, silikon, sulfate, fragrancë artificiale, ngjyrues artificial.

*305ml

Njomeni fytyrën me ujë të vakët dhe merrni një sasi të vogël nga larësi. Shkumojeni mirë nëpër duar dhe aplikojeni në lëkurë, duke e masazhuar atë me lëvizje rrethore. Shpëlajeni në fund fytyrën me ujë të bollshëm dhe më pas vazhdoni me larësin ujor.

Përbërësit "magjik"

Vaj i bërthamave të kajsisë, vaj i pemës së çajit, vaj i farave të moringës, ekstrakt i Houttuynia Cordata, ekstrakt i Centella Asiatica.

Lista e plotë e përbërësve

Për shumë femra, prezantimi i parë me K-Beauty ka qenë dhe mbetet marka e famshme koreane MISSHA. Kjo falë produkteve të linjës BB cream apo kremit mbrojtës ndaj rrezeve të diellit All Around Safe Block Aqua Sun Gel. MISSHA hodhi hapin e parë në treg në vitin 2001 duke ofruar një alternativë të re për konsumatorët. Ajo krijoi produkte me një cilësi shumë të lartë, por me çmime të përballueshme, ndryshe nga markat e tjera të asaj kohe që kishin dominuar tregun me çmimet e tyre marramendëse. Ndër vite, MISSHA fitoi zemrat e miliona ndjekësve falë produkteve me përbërje efektive që përmbushin dëshirën dhe nevojën e konsumatorit për një lëkurë të shëndetshme e plot gjallëri. Nëse markat e tjera premtojnë “rezultate të menjëhershme”, MISSHA ka një qasje tjetër duke promovuar një përmirësim gradual të problematikave të lëkurës.