Cos De BAHA DC Drying Cream

Nëse keni lëkurë të yndyrshme dhe dëshironi që të keni hidratim të thellë, por pa përfundim të yndyrshëm, ju rekomandojmë Cos De BAHA DC Drying Cream.  I formuluar me përbërësin magjik Lecitina: një lloj lipidi i përbërë nga acide yndyrore i cili tërheq përmbajtjen e ujit dhe ruan lagështinë. Gjithashtu, është vërtetuar se Lecitina stimulon prodhimin e kolagjenit për të rritur elasticitetin e lëkurës dhe për të rivendosur lëkurën e shëndetshme. Nga ana tjetër, formulimi me ekstraktin e aloes ofron hidratim të thellë si edhe mundëson shërim dhe forcim të barrierës mbrojtëse të lëkurë. Përbërësit e këtij kremi nuk përfundojnë këtu, sepse ai gjithashtu përmban niacinamide, një përbërës i cili ndihmon në minimizimin e poreve, zbehjen e hiperpigmentimit dhe trajtimin e akneve. I përshtatshëm për të gjitha tipet e lëkurës, kryesisht për atë të yndyrshme. 

Formula e tij është e testuar dermatologjikisht dhe nuk përmban përbërës të dëmshëm dhe irritues për lëkurën, si: alkool, sulfate, paraben, fragrancë artificiale, ngjyrues artificial, vajra esencial dhe është i patestuar në kafshë. 

*45ml

Në mëngjes, përpara aplikimit të kremit mbrojtës ndaj diellit dhe, në mbrëmje pasi të keni pastruar lëkurën me larësin dhe aplikuar tonerin, esencën dhe/ose serumin e rutinës suaj, merrni një sasi të konsiderueshme dhe përhapeni butësisht në lëkurë me lëvizje rrethore, derisa të jetë përthithur tërësisht.

Përbërësit "magjik"

Lecitinë, ekstrakt aloe dhe niacinamide

Lista e plotë e përbërësve

Aloe barbadensis leaf extract, propanediol, niacinamide, hydrogenated lecithin, isononyl isononanoate, 1,2-hexanediol, allantoin, caffeine, carbomer, cetearyl olivate, sorbitan olivate, tromethamine, *camellia sinensis leaf extract, *momordica charantia fruit extract, *sambucus nigra flower extract, *leontopodium alpinum extract. *Mark: N.O.I.P 82%

Marka Cos De BAHA është një markë koreano-jugore, e themeluar në vitin 2018. Edhe pse e re në treg, kjo markë ka një koleksion të gjerë produktesh, si: serume, toner dhe kremra të ndryshëm për kujdesin e lëkurës, të cilët adresojnë problematika të ndryshme. Të gjitha produktet e markës Cos De BAHA prodhohen në laboratorë të certifikuar nga Ministria e Sigurisë së Ushqimit dhe Barnave Korenë e Jugut. Produktet Best Seller dhe më të shitur të markës janë: serumi me acid azelaic, serumi me niacinamide dhe kremi me peptide. Produktet e kësaj marke janë të gjitha vegane, të testuara dermatologjikisht dhe nuk përmbajnë përbërës të dëmshëm dhe irritues për lëkurën, si: alkool, paraben, silikon, sulfate, fragrancë artificiale, ngjyrues artificial. Të gjitha produktet e markës Cos De BAHA  janë të prodhuara në Korenë e Jugut.